[旺角] JC Room ‧ 區內有誠意Cafe | 咖啡拉花能保持到最後,西班牙黑毛豬仔骨夠汁夠腍很不錯

在旺角睇戲前先食晚餐,揀左最近係元朗衝出旺角開分店的JC Room,餐廳位於旺角廣華街地鋪,都算易搵。知道餐廳既紫薯意大利飯好有Gimmick,一心都想黎試下!

原文網址: http://connie-hk.com/JCROOM

 

店子小小坐位不多,不過在燈光昏暗下還滿有情調的,而且餐廳的吊燈都很有特色,店員都有細心向客人推介美食。

晚市有多款菜式選擇,黑毛豬仔骨、美國1855肉眼扒、PRIME西冷、豬鞍扒、銀鱈魚、羊架、意粉/意大利粉、漢堡等;價錢已餐包、湯/沙律、飲品 (另加一)。另外仲有散點的小食頭盤、甜品和飲品。

連啤酒都有供應。

先黎一份熱熱的餐前麵包,麵包食落鬆軟,配埋芝士香草醬食,滿好食的。

野菌湯,入口好香好濃郁,仲食到粒粒菇溶,好好飲!

雖然只是套餐中的田園沙律,除了新鮮的沙律菜外,仲有兩片煎過的煙鴨胸,一點都不馬虎。

焦糖鮮奶咖啡 跟餐半價$18
睇住年輕咖啡師傅拉花確實吸晴,拉花圖案很明確細緻,鮮奶咖啡入口也很滑,有陣陣焦糖香;而且沒有很多泡泡浮面,圖案也能維持到最尾,唔會好快散開晒。

雙重芝士黑松露碎蛋焗薯皮 跟餐加$48
烤得香脆的薯皮,面頭鋪滿黑松露碎蛋,加上芝士焗,呢個組合無得輸,惹味又好食。

虎蝦黑松露忌廉汁闊蛋面 $168
用上富口感的闊蛋面,加埋份量足的黑松露忌廉汁,每一條面食落都掛滿醬汁,小妹食唔停口。所配的虎蝦亦有調過味同拎去焗過,肉質咬落爽口不霉,有驚喜。

醬烤西班牙黑毛豬仔骨伴菜絲沙律、炸粗薯條 $188
店員(老闆?)極力推薦的豬仔骨,仲好細心等我影左相再幫我地切。

一份四條骨,每一條份量都唔細,而且食個時好容易骨肉分離,肉質軟腍唔痴牙,唔會食到好狼狽;加埋足夠既燒烤醬,食到好滋味!配埋炸到熱辣辣既粗薯條,好滿足。

提拉米蘇伴鮮野莓 跟餐加$25
呢份甜品小妹好欣賞旁邊的原粒士多啤梨花,整得好靚。而提拉米蘇的味道就不過不失,小妹覺得咖啡酒味可再重點,面頭的mascarpone Cheese可再多點,因為中間蛋糕層有點乾。

 

 

※本文以用餐當日的環境、服務和食物質素為準,口味亦因人而異,文章只作參考之用。
JC Room | FACEBOOK
地址: 旺角廣華街2-20號翠園大樓二期地下5號舖
(港鐵油麻地站 A2 出口, 步行約7分鐘)
電話: 2385 5624
營業時間: 星期一至日 11:30-23:00

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *