[金鐘] Operetta ‧ 令人食得滿足的澳洲和牛,晚餐食物質素相當不錯

是晚去左呢間意大利餐廳食晚餐,餐廳位置超近戲院的,真的超方便啊!店員帶我地坐上二人枱,環境上相當不錯,佈置上簡約得來又有優雅感。

 

原文網址: http://connie-hk.com/Operetta

 

▲ 在我坐的後方更有一個小小的玻璃位置可看到廚師們烹調的情況。

一頁大餐牌上印晒餐廳上大部分食物(甜品餐牌是另外的),種類包括前菜、意粉、薄餅、肉類和魚類主菜,還有一款分享併盤。

▲ 每張枱都放有一個精緻的玻璃樽,原來係橄欖油黎的,可以用黎蘸麵包食。上菜前先有一藍麵包,麵包都是餐廳自家製的,有一款特別有嚼勁,有麥香之餘還滿好食的。

 

Chef Luca’s Beef Carpaccio $140


傳統意大利開胃菜,將牛肉切到薄片再加埋芝士片、黑醋沙律菜圍圈。呢碟招牌Beef Carpaccio既賣相勁似聖誕花圈,頗有美感。裡面放左很幼嫩又滑既生牛肉,無半點血腥味,搭配左中間一點點既黑松露醬汁同野菌汁,多左層惹味感,但又唔會搶晒牛肉既風頭。

 

Australian Wagyu Striploin $320


叫左五成熟既澳洲和牛,切開中心呈現出粉紅色既肉質,咬落去充滿肉汁,肉質相當鬆化,油脂豐潤,沒有半分”乾鞋”的情況出現,愈嚼愈香!估唔到呢個價錢有呢個高質素,好耐無食過覺得好好食既牛了,配菜仲有賣相好似洋蔥絲既茴香沙律可清爽味蕾。

 

Spring Chicken Diavola (Whole) $290


原隻烤春雞,雞皮烤得微脆,用刀很容易切開。剛好有兩隻雞肶位,一人一隻唔使爭,雞肶位食落真係好嫩滑,墊底蔬菜有夠腍同香甜既南瓜。

 

Tiramisu $90


飯後一點甜是必需的,網上見到有人推介佢地既Tiramisu話好食,忍唔住又叫一份。面頭鋪上既Mascarpone Cheese質感好滑啊,配埋底下充滿咖啡香既Lady Finger,仲有檸檬甜酒啫喱,無得輸,會食唔停口!另外配左球榛子雪糕,榛子味好香好突出,好食啊!

 

 

Operetta

FACEBOOKIG
地址: 金鐘金鐘道88號太古廣場1樓112號舖
電話: 21158080
營業時間: 星期一至日 11:30-22:30
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *