[旺角] Amico 1890 ‧ 旺中一點靜的西餐廳


近來多左黎旺角睇戲同行街,發掘到愈黎愈多新食店,今晚同他走著走著,就黎到Amico 1890來個晚餐吧。


門口更貼左唔少同客人影既拍立得。


一向喜歡小店型式的餐廳,可以點些輕食咖啡,靜靜地,舒舒服服坐係一角的用餐。今晚我地比安排坐在靠牆既二人位,感覺舒適,餐廳既環境設計都帶有復古味。

餐牌有分前菜/沙律、小食、主菜、意大利飯、意粉和薄餅;據說意大利粉的麵條更係自家製呢!

晚市套餐有兩種,都係百幾蚊一個套餐,唔算貴。

士多啤梨奶昔沙冰 (前) 及 蘋果乳酪奶昔沙冰 (後) 各 $43
兩杯飲品既果味都唔明顯,奶杯比例較重,所以感覺唔夠解渴,有點失望。

芝士焗西蘭花 $58
西蘭花的份量頗多,而且咬落夠爽口,芝味頗濃郁和惹味,但如果芝士醬可以再多點會較好,因為有幾舊西蘭花都唔太沾到醬,味道較單調。

車打芝士牛肉漢堡 $78
賣相唔錯啊,漢堡包配上粗身薯條,可惜既係車打芝士係完整一塊唔溶的,芝士味唔明顯;漢堡扒帶肉汁,味道不過不失;反而粗身薯條,夠熱之餘咬落好多薯蓉呢。

黑松露意大利粉 $98
據說麵條係每天自家製的,食落煙韌有口感,每條意粉都掛上醬汁,滲出陣陣松露香,仲加上香菇和翠肉瓜粒,增加口感。

三色芝士薄餅 $138
(店員提醒: 因為用左藍芝士,所以味道會較鹹和重)
用上藍芝士、羊奶芝士和菲達芝士所製,Pizza係薄身餅底,咁就唔怕滯可以食多幾塊。

食落芝士味頗重,拉出黎有牽絲的,而且餅底夠香脆,味道無想像般重口味,芝迷可以一試啊。
Amico 1890
地址: 旺角洗衣街24號地鋪
電話: 3798 0070
營業時間: 星期一至日: 12:00-01:00
================================
(喜歡的,請按讚支持,是給我很大的鼓勵啊  

   

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *