[旺角] BBQ 7080 ‧ 韓式烤肉熱潮停不了,食肉獸之地


最近韓國烤肉店在香港愈開愈多,當然價錢唔同質素都會有點分別。而位於旺角兆萬的BBQ7080價位就較大眾化一點,如果唔想食烤肉仲可以點佢地既韓式食物,豐儉由人。呢日放工後,一同四人黎到店子黎個食肉獸大餐,諗起都興奮! 

部份餐牌↑

內裡環境一貫韓式燒肉店既裝潢設計,配上紅色椅子特別鮮艷,椅子揭開可放手袋和雜物。


每檯都有枝大凍麥茶供應,可以降低油膩的感覺。

一般韓式食店會提供的泡菜、醃蘿蔔和醃洋蔥絲冷盤小食都有。另外仲有供應幾款醬汁讓客人沾肉食,小妹就較喜歡沾上店子自家製的麵豉醬同食。

先食左碗凍豆腐,豆味香濃,唔錯。
再望望餐牌,可分為數大類,烤豬肉類、烤牛肉類、海鮮、餃子及湯飯類等,款式選擇夠多。

韓國水梨果汁 $20
飲悶左橙汁或者蘋果汁? 呢隻韓國出產既水梨果汁值得一試啊。飲落順口清甜,入面仲有水梨果肉呢。

烤鰻魚 $128/1pcs
原條既鰻魚,韓藉店員很好的幫我們烤。烤到差不多,會在上面淋少許鰻魚汁。食落頗香口,魚肉尚算嫩滑,就是內裡細骨多了點。

烤辣豬腸 $98/150g
呢個豬腸其實食落煙煙韌韌口感唔錯,但豬騷味較重,唔太接受到。

烤醬辣五花腩 $108/150g
一份三大塊既五花腩,由於用上韓式辣醬醃製,食落帶有甜辣既味道,感覺惹味,很喜歡。


烤薄切五花肉 $98/150g
一碟望上去堆砌得好似火鍋既材料,一卷卷的,切得夠薄片。放在鐵板上很快便熟透,邊邊位帶點微脆,食落頗香口。

烤什錦牛肉 $338/400g
(LA牛排骨、特級雪花牛肉、牛脷、牛助骨肉)
牛脷味道不過不失,口感亦算爽口; 牛肋骨肉咬落頗爽口,肉味愈嚼愈香,唔錯;



特級雪花牛肉油脂分佈平均,肉味濃郁,令人回味。

烤什錦海鮮 $358
(生蠔、扇貝、蟶子、大蜆、鮑魚、魷魚)
呢個海鮮拼盤其實頗豐富,種類唔少,連鮑魚都有埋。貼心的店員更為我地換過另一塊專燒海鮮既鐵板幫我地燒,咁多款海鮮睇見都興奮。

燒鮑魚食落煙煙韌韌又彈牙,味道唔錯; 不過生蠔卻燒有點失手,燒得比較乾身同缺水; 蟶子同扇貝就燒得唔錯,食落彈牙之餘亦夠juicy。

鮑魚蔘雞湯 $158
由於小妹唔太好蔘既味道所以無品嚐,不作評論嚕,不過睇黎都相當足料,面頭更放上兩隻鮑魚呢。


煎海鮮蔥餅 $78
食落外皮煎得頗香脆,不會油膩,但內裡的海鮮材料相對較少,粉團佔的比例較多。

冷麵 $78
自從試過一次水冷麵後便愛上,所以去親韓式食店都會搵佢地蹤影,特別係夏天簡直係至愛。不過呢度既水冷麵就比較一般,食落少左份好爽好冰涼既感覺,麵條都未算很彈牙。

BBQ7080 特色弁當 $30
據說在韓國很出面的,用上鐵盒子盛載的便當。唔好以為打開就咁食,其實係要拎住個便當左搖右搖,搖均佢先開黎食,真係好特別呢。而小妹影既呢張相梗係未搖之前影既,入面有煎蛋、餐肉、紫菜、泡菜同白飯,望上去都幾豐富。
味道都唔差,價錢又唔貴,又食得又玩得,都幾過癮。
食到最後,店子更提供了一些薄荷糖讓客人清清口氣,仲有幾種款式,相當貼心呢。
BBQ 7080
地址: 旺角西洋菜南街1N至1X號兆萬中心(CTMA)13樓
(港鐵旺角東站 B 出口, 港鐵油麻地站 A2 出口)
電話: 2612 1682
營業時間: 星期一至日: 16:00-02:00
================================
(喜歡的,請按讚支持,是給我很大的鼓勵啊  

Connie’s Food and Life Corner
   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *