[尖沙咀] 十二味巴蜀江湖菜 ‧ 來到十二道巴蜀尋找滋味辣勁!


十二味巴蜀江湖菜
地址: 尖沙咀彌敦道182號友誠大廈地舖
(港鐵佐敦站 D 出口, 步行約2分鐘)
電話: 5128 2456 
營業時間: 星期一至日: 11:30-00:00

小時候常常都唔明點解屋企人咁鍾意食辣,食個碟頭飯、飲茶都一定要落辣醬,仲要話無辣唔好食!而家人大左,食辣機會多左,終明白所以。小妹由以前完全唔食辣到而家開始連四川水煮系列都敢食就知味蕾進步了不少,而且四川菜個種麻辣,其實唔會勁辣(又有得揀辣度),但就非常惹味!


(喜歡的,請按讚支持,是給我很大的鼓勵啊  

   


餐廳裝潢骨子,環境舒適,也有不少卡位座;牆上貼了代表著四川的可愛熊貓海報,就連碗碟和餐牌也是,好可愛呢!


餐廳大部份主打辣既菜式,但都有不少唔辣菜式,所以唔食得辣既你和食得辣既你一齊食飯都仲有其他菜式可選擇。

餐牌上更有一頁叫做「無敵好吃系列」裡面的菜式全都係辣的,真係望到都辣呀,仲有坊間較少見的「鴨咀鱘」呢!(限量的)

叫左兩杯飲品止止辣,鮮榨雪梨汁和青檸果樹 各$32,好鍾意這裡的鮮榨果汁,特別係個雪梨汁,啖啖梨味加埋果渣,飲得出係新鮮榨起,相信無再添加過糖水,味道好清甜解渴;後者青檸汁無疑係頗酸,不過個種酸度味道清幽,滿好飲得。

成都李莊白肉 $78
白肉每塊都大大片,咬落肉質夠爽有嚼勁!至正應該係個辣汁(微辣),超惹味又好重蒜香,讓人不能抗拒。

錦里夫妻肺片 $68
裡頭的牛舌和牛肚都切得頗薄,食落陣陣麻辣香相當惹味,帶點嚼勁,一個人好容易食光整碟!

又另一道岩晒食肉獸系列既菜式,鄧師傅拿手酥皮牛 $148,食落真係啖啖肉,份量足!咬落外皮帶點酥脆既口感,牛肉唔韌,甜甜的味道,加埋白芝麻頗香口。食落陣味幾似係某酒樓食既脆皮咕嚕肉?送飯一流!

黯然銷魂炒飯 $88
食左數款小菜後便決定加點一個炒飯,炒飯裡有蝦仁、雞蛋、蔥花、紅蘿蔔粒等,飯質炒得頗乾身;因裡頭加了點辣椒一齊炒,所以每食一啖會有一陣不會很強烈的辣勁,卻豐富左味道,變得更惹味!

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *