[荃灣] Burger Jobs ‧ Tiffany藍色漢堡包,小型芝士溶岩法包有驚喜 (已結業)

香港的餐廳可說是換得很快,紅極一時的餐廳小店也可在數個月內面目全非,原來又是一間新餐廳。在現今社會,很多人都是貪新鮮的 (小妹自己也是!)餐廳想吸引客人注意,就要搞搞新意思,他們通常會推出一些特別的自家招牌款式,讓媒體報導一下,便會突然紅了起來,人流不斷!

 

原文網址: http://connie-hk.com/BurgerJobs

就像近來在荃灣這間新開的漢堡包店 (前身是甜品店),在荃興徑近路德圍附近,他們推出的藍色漢堡包便吸引了不少男男女女去潮聖打卡,餐廳地點尚算方便,小妹放工後又走來試試。門面黑底白字的設計,落地玻璃可見到內裡的用餐情況,裡頭光線充足,但座位不多,牆壁上是有趣的設計,衣架、錄影帶、手掣等黑白色的物件掛在牆上裝飾,很特別!

餐牌只有一頁,分為漢堡、意大利粉和小食,某些漢堡已配薯條,可加$15加配沙律和汽水。
*免加一服務費、每人最低消費一款食物

小店是需先到收銀處付款落單,再給你一個座檯號碼牌,其後店員便會將餐點送過來給你。

雙式芝士焗薯條 $38
面頭金黃色的芝士很吸引,熱辣辣食味道無得輸,不過只限面頭個堆薯條,愈食到底通常都係得返薯條無芝士。

黎到呢度當然要襯熱潮叫個藍色漢堡影相

TiffanyBlue 爆芝流心雞扒套餐 $88(套餐已包括薯條和沙律)


用上透明的的膠架放上薯條和沙律,仲有包裝玩味性重的濕紙巾,果真有趣!

不少人懷疑麵包是否色素不健康?其實此夢幻藍色漢堡包係完全天然,不含色素,加左天然既蝶豆花,低溫烘焙三小時所製,望上去真係夠晒醒神,影相一流。

漢堡包包身咬落鬆軟,裡頭夾左蕃茄片、青瓜、洋蔥和酸瓜沙律醬,仲有即叫即炸的芝心雞扒,用上車芝打芝士和Mozzarella。

不過雞扒的炸皮顏色呈深啡色,一睇就覺得炸過龍,咬落唔夠香脆又有點實,而且切開無想像中流心,芝味薄弱,肉質又有點乾,整體味道一般,不過所配既粗薯條又幾香脆好味。

芝士火山熔岩法包 $68
(手打牛肉、麵包粒、車厘茄)
除左個超夢幻藍色漢堡外,小妹覺得此款熔岩法包的味道更有驚喜,小妹更喜歡佢得意又好食!將法包中間挖空加左芝士造成溶岩漿,可以用黎點配料食,好似迷你版芝士火鍋!賣相夠晒可愛,芝士味濃郁!

右邊既手打漢堡仲加左洋蔥同黑胡椒一齊打成,牛味頗濃,肉質不乾,係咀嚼中會食到點筋位比較有咬口,用黎點芝士食好邪惡!

食到差不多,就咁食個裡頭仲帶有半溶芝士既法包 (據說建議食法係將剩低既漢堡放入法包入面一齊食)。法包食落脆身,味道甜甜地,無法包咁韌,感覺好似A-1出品既樹頭麵包,一試愛上!

 

 

Burger Jobs | FACEBOOK
地址: 荃灣荃興徑2-8號昌泰大廈地下7A舖
(港鐵荃灣站 A1 出口, 步行約5分鐘)
電話: 6599 9199
營業時間: 星期一至日: 12:00-22:00

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *