[紅磡] Cafe Charm’s ‧ 二訪這用心小店,主食和新推出的水果茶都很滿意!


與他一向都係扭蛋食玩玩具迷,之前行過紅磡的大型玩具店後就念念不忘! 隔左兩個多月後決定再黎潮聖,去之前當然要醫飽個肚。與他都不熟悉紅磡,有什麼好食的都不太清楚!? 所以就黎返之前黎食過晚餐的Cafe Charm’s。網上食評話他們轉左餐牌,仲有水果茶飲,好吸引呢!

(喜歡的,請按讚支持,是給我很大的鼓勵啊  


   

約七點去到都已經接近坐滿,所以都不太好意思影環境,只好影後面還未有人坐的。

翻開餐牌,頁數不多,分了小食、沙律、意粉、麵包、自家製漢堡、全日餐易、窩夫甜品和一系列咖啡、果汁等,選擇不算多,卻有齊咖啡店一切應有的輕食。

另外亦有些餐牌上沒有的推介。

記住影完相放上IG仲可以有9折呢!

凍迷人水果茶 $46
餐廳剛推出不久的水果茶,裡頭的果肉有橙、蘋果、火龍果和士多啤梨等。味道幾似咖啡弄的水果茶,但甜度比它輕,沒這麼甜膩,飲落帶有清幽果香,有點似橙味果汁先生,滿好飲的,又搵到間好飲的水果茶店了! (味道”巧棒棒”呢!)

熱焙茶鮮奶 (大) $39
上次叫抹茶鮮奶的拉花係龍貓一隻,今次呢杯都係,有點失望添,小妹好想要其他拉花啊! 不過話時話龍貓係拉得幾靚,只係個拉花圖案好快化開晒不見了。
焙茶的味道甘甘的很易入口,茶香味滿重,而且又不會太過苦澀和甜膩,很喜歡!

鵝肝漢堡 $156
漢堡有得揀單塊鵝肝或者雙鵝肝,為免更加邪惡都係要單份鵝肝分享好了。這裡的漢堡更可追加喜愛的食材,價錢由$8-$18不等,包括有芝士、生菜、蜂蜜洋蔥、蛋、炒野菌、菠蘿、煙肉、薯餅和牛油果。醬汁都可選擇配他他汁、千島汁或燒烤汁。


鵝肝漢堡的材料有鵝肝、蕃茄醬、芝士、牛肉漢堡、蕃茄片和生菜。陣容絕不惹少。鵝肝望落還滿厚的,入口帶著那股油脂甘香,而且手打澳洲和牛食落充滿著肉汁,肉質都肯細嫩,牛味很濃郁呢。配埋鵝肝一齊食可以同時品嚐到兩種口感,超滿足! 享用時建議可以豪邁的用雙手食啊! 

醬燒美國豬肋骨 $176
好耐無食豬肋骨了,這裡的豬肋骨一份可以切開四條,配料有薯條、南瓜粒和薯仔片。
豬肋骨的肉位很多,咬落肉質鬆化,醮上的燒烤醬味道更突出,用埋手食更加滋味呢。所跟的薯條和南瓜粒都好食,係薯仔片咬落不脆,可能沾到醬汁關係所以食落腍身較失色。

Cafe Charm’s
紅磡黃埔新天地3期百寶坊地下G27號舖
星期一至日: 12:00-22:30

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *