[澳門遊] 自由咖啡 Cafe Free ‧ 足料墜手手工麵包 | 千層蛋糕食落有驚喜

月中同老公去了澳門一天美食遊,剛好與同事傾談之下佢介紹我倆可以去試下Cafe Free的麵包,話相當足料,愛食麵包的男人又兩眼發光,所以都有列入行程表中。在網上有看過原來他們有多間分店,不過最吸引小妹的反而從Instagram 看到的千層蛋糕!

原文網址: http://connie-hk.com/cafe-free


一落船時間尚早,便立即乘的士前往,因為這間分店才有設置位置可以立食呢。光看門面有身在台灣麵包店的感覺!環境大,放了多款麵包、三文治和甜品,選擇多,梗有一款岩你食。


有數個立食位供客人內用,岩晒要拍照的小妹!在網上得悉他們家的麵包使用自家培植的天然酵母,做法偏向台灣風味的麵包,所以麵包大多富彈性和有嚼勁! 因趕船無食到早餐,我們便在宏宏麵包中揀了數款麵包同蛋糕。


樽仔奶茶 $10、樽仔咖啡 $11
白色蓋的係奶茶味,紅色蓋係咖啡。一向對樽仔奶茶都滿有好感,因為之前飲過的樽仔奶茶大多味道都不錯。而這裡的味道可以,不過奶味比例稍多,老公就話咖啡甜度可調低小小。


東風細司堡 $21
小妹很喜歡這個細司堡,感覺很墜手!有著台式麵包那種煙煙韌韌的嚼勁,咀嚼中有陣陣麥香又帶咬口,裡面仲有不少富鹹香的芝士作餡料,食半個已經很飽肚。


千層丹麥菠蘿 $10
以曲奇皮作為傳統菠蘿包的菠蘿皮,食落同樣鬆化,味道香甜,也無傳統菠蘿包咁邪惡,是一種新嚐試的配搭。


爆漿麻糬 $9
煙煙韌韌的麻糬皮,一咬落去爆出大量吉士,可以當甜品食,夠滋味!


伯爵千層 $32、提拉米蘇千層 $32
黎這裡之前已鎖定要試他們出品的千層蛋糕,完全估唔到會有,很期待啊!在網上見過有抹茶同伯爵茶味,今日就係伯爵茶同Tiramisu味,當然兩款都黎一件啦!價錢比Lady M平一大半,又同沛公差唔多。


伯爵茶千層賣相同Lady M真係好似,作為一間麵包店,味道方面小妹當然唔會要求咁高!不過食落真係相當唔錯,千層皮頗薄,用叉吉落去唔會成件倒塌傾斜,質感較挺身,裡頭既伯爵茶忌廉軟滑,真係有陣陣茶的幽香,真心覺得以這價錢來說係相當不錯,如伯爵茶忌廉可再多少少會吸引。


提拉米蘇千層食落就有點咖啡香,相比起前者,小妹較愛前者,如果香港都有就好了。


黑芝麻卷蛋 $13
面頭的黑芝麻慕絲入口頗濃郁,不過蛋糕卷食落就稍為乾涸,不夠鬆軟!

 

 

※本文以用餐當日的環境、服務和食物質素為準,口味亦因人而異,文章只作參考之用。
自由咖啡 Cafe Free | FACEBOOKIG
地址: 新城市第二街新城市花園第十二座地下P座
電話: 2823 6020
營業時間: 星期一至日: 07:00-22:00

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *