[北角] Cat tune ‧ 令人放鬆的喵星人減壓之地,甜品心太軟同自家製雪糕味道有驚喜 (已結業)

cattune-all

香港人生活壓力大,除左食到美食可以減壓外 (食到難食既餐廳可能仲灰 XD),小妹發覺去貓cafe都係一個唔錯既選擇,每次見到可愛又搞笑既喵喵們真係成個人放鬆晒!不過去貓cafe至怕座位迫狹同環境嘈吵,上網睇過北角呢間貓cafe既評語好似唔錯啊,所以放工就同男人專登入北角這間Cat Tune放鬆返晚。

 

img_4747 img_4766

因座位不多,所以去之前有先在網上同店子預約 (八點後必需先訂座)。店子離地鐵站很近,就在地標北角雞蛋仔附近的大廈內,需先在門外按樓層,接通對話後店子會按制開鎖便可進內。

收費部分:
每位成人每小時$60,小童$40,包一杯$25以下的飲品,其後成人每小時$40,小童$30;讚好他們的Facebook page可減$20,兩位一同讚好可減$20,如此類推。

上到去在玻璃門已經見到可愛的貓貓啦,好像在歡迎我們呢。不過為了貓貓的健康和衛生,入去前要先換拖鞋和清潔雙手,友善的店員有耐心講解這裡的守則。雖然cafe環境不大,但入面都有成十幾隻貓貓四圍走,客人進內都係坐地下好似坐塌塌米咁同貓貓玩,環境都幾舒服啊!

貓貓大多數都係領養返黎,隻隻都好可愛啊,大部分都好乖比人摸,係有幾隻脾氣較差既貓貓有帶頸圈做色別。

OLYMPUS DIGITAL CAMERA

貓貓們每隻都有唔同性格,好過癮!小妹又不停影相了,太療癒了!

cat1

不過回家睇相,發現原來影得最多係貓女Nana。呢隻咁可愛既貓女Nana遭人遺棄,所以店主就接左佢返黎,但佢脾氣比較臭同唔嗲人既原因可能係因為佢細個已經習慣左自己一個..十個月大已經生產過一次,bb未足月就要同佢地分開,好可憐,好彩呢度有人錫你!!

OLYMPUS DIGITAL CAMERA OLYMPUS DIGITAL CAMERA

除了可親親貓貓們外,店內仲有好多漫畫睇,相信店主都係動漫愛好者,店內放了不少日本動畫模型公仔,好似美少女戰士、海賊王和龍珠等,可靜靜地坐在這裡睇漫畫,滿不錯的!

影夠後就黎點些食物和飲品,食物和甜品的價錢不貴,都以小食為主,甜品更係每日自家製的。

以卡通角色名命的特飲

呢杯叫「花輪同學」既特飲其實係玫瑰鮮奶,單點$38,連鐘包個一杯飲品要加$15。玫瑰味都好重,還不錯。

另外仲叫左杯「變形俠醫」$38,係用菠蘿+香橙+檸檬溝成的梳打,酸酸甜甜的夠解渴。女店員(定老闆?)好好人地同我地講如果太甜可以幫我地換,好細心!

仲叫左兩樣香口小食,炸薯條$18同炸炸脆拼盤 $22,可從五款小食中揀三款,我地揀左魚柳、燒賣同麥樂雞。

藍莓慕絲蛋糕 $28
是店員大力推薦的,係用不少顆原粒藍梅打成的藍莓慕絲,望落都有好多藍莓肉在內,但食落藍莓味還是不太夠,沒想像中好味。

好好彩咁比我食到最後一個心太軟連雪糕 $40,雖然個心太軟外皮欠缺左少少微脆的口感不過勝在食落仲係熱既,真係大大加分!而且外層好似蛋糕般鬆軟流出的朱古力漿夠澎湃,甜度適中配埋自家製雲呢拿雪糕,入口質感超滑溜呢,性價比高。

 
Cat tune | FACEBOOK
地址: 北角英皇道492號一樓A室
(港鐵北角站 B3 出口, 步行約2分鐘)
電話: 2881 8862
營業時間:
星期二至日: 12:00-22:00 (20:00後入坐必須預約) 星期一: 休息

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *