[荃灣] Chalet ‧ 溫暖小木屋,意大利飯稍微失準,肉眼扒高質好吃

每日返工放工坐巴士都會經過這間位於八米半對面的CHALET,佢地係一個以瑞士小木屋呈現的餐廳,網上風評相當唔錯,今晚就黎左食晚餐。

 

原文網址: http://connie-hk.com/chalet

 

步入第一個門口,有數個室外但能望到街景的位置;驟眼一看原來前方還有一個門口,頂著大大的霓虹招牌,設計成小木屋的感覺,頗美的!

裡面就是我倆今晚坐的位置,全木質的佈展和裝潢,環境昏暗頗有氣氛的,相信聖誕節來會更有感覺!

餐牌也是和木有關的,餐牌分別有小食,主菜a La Carte (可加$78轉套餐),和晚市套餐,價錢公道。

Girl Generation $68
老實說小妹真係為左隻杯既樣而叫呢杯Mocktail的,隻杯真係幾過癮,成杯賣相都幾靚架!飲落係雜莓加糖漿打成的Mocktail,味道唔會好假,充滿果味很易入口。

招牌龍蝦湯 +$48
幾鍾意佢地既龍蝦湯,質感打得幼滑,飲落甘澀味唔會太重,味道甘醇,很重龍蝦味,確實不錯。

帝王蟹餅配蛋黃芥末醬
意想不到跟餐小食有得揀蟹餅,蟹餅經煎過,食落香口更內藏絲絲蟹肉,如果有得單點便好了。

美國頂級肉眼扒配芝士煙肉焗薯皮 $338
點了五成熟的肉眼扒,份量頗大的一件。切開後呈粉嫩色的肉質,熟成度拿捏得不錯。

肉眼扒很容易就被我們切開,肉質食落軟嫩帶點口咬,咀嚼中帶很香的牛味,充滿肉汁,某些連住一點脂肪位的味道更加誘人,感覺很高質!

所配的芝士煙肉焗薯皮,薯皮加上芝味濃郁既車打芝士和煙肉拎去焗,簡單得來又好好食!

北海道蟹肉意大利飯 $208
蟹肉意大利飯味道很重蟹味,裡頭仲有絲絲蟹肉同芝士片,味道係唔錯的。唯意大利飯有點失手,飯煮得過腍,變得完全沒口感,很可惜。

是日甜品-麵包布甸
麵包布甸熱食係會好香好好食,但呢個就係唔熱的,所以質感偏實。食落比較似鬆糕既口感,馬拉糕既味道,有點可惜。

 

Chalet
FACEBOOK
地址: 荃灣青山公路407-411號金荃大廈地下B鋪 (8咪半對面) (港鐵荃灣站 A3 出口, 步行約9分鐘)
電話: 37052125
營業時間:
星期一至四、日 12:00 – 15:00、18:00 – 00:00
星期五至六 12:00 – 15:00、18:00 – 02:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *