[旺角] 翟道翟棉棉冰 ‧ 港版芒果糯米飯綿綿冰,又幾得意啵!

學生時代偶然都會去旺中行下街買下d平衫平袋,旺中對我黎講就係淘寶散貨場!事至今日已經唔會再去買衫了,反而愈開愈多小食店,被稱為翻版「葵涌廣場」,好多食店都同葵廣既倒模咁,但偶然都會有綽頭小店冒起。

 

原文網址: http://connie-hk.com/chatuchak

 

身為吃貨的一定對泰國著名既芒果糯米飯刨冰唔陌生,雖然未有機會去潮聖,不過旺中呢間開業只有數個月的「翟道翟」,一睇店子就知同泰國有關。小店主打綿綿冰同特飲,打正旗號賣芒果糯米飯綿綿冰,立即引左不少人打卡潮聖。

餐牌上一目了然,主打三款棉棉冰和特飲,綿綿冰除左芒果糯米飯口味的,仲有榴槤糯米飯和泰式奶茶紫米,三款都想試下!特飲較為特別既有冬蔭公梳打、貓山王奶昔同泰式奶昔。

小店沒有設置座位,大家幾乎都係買完就一邊行一邊食。經過都可看到他們的製作情況,環境光猛整潔,旁邊一點小位置還放了乾燥光裝飾,很適合相機食先的我們。小店即叫即製,所以要比點耐性等等。好彩當日人流唔多,等約十分鐘就有得食。

芒果糯米飯棉棉冰 $48
小妹呢杯個樣都整得幾靚架!用黑色膠杯裝住,比之前見到係用透明碗裝好睇多了。碗棉棉冰份量唔少,面頭白色既係椰汁漿、主體芒果棉棉冰裡面有芒果肉,兩旁淋上芒果醬,成杯都夠晒芒果。

估唔到食到底仲有富口感既糯米飯同粟米片(雖然覺得唔要粟米片都得),冰雖然未算刨得好幼細,但唔會食到粒粒碎冰,而且碗冰唔易溶,慢慢食都得。我地食個時咁岩打風返唔到呂宋芒,轉用了味道清甜既台灣芒果,感覺幾得意,一試無妨。

正宗泰式奶茶 $28
比港式奶茶較深式的泰式奶茶,入口都真係似泰式奶茶味,茶味頗明顯,係甜左少少,都算好飲。

 

 

翟道翟棉棉冰 | Chatuchak

FACEBOOKIG
地址: 旺角彌敦道688號旺角中心2樓SK6B (港鐵旺角站 D2 出口)
營業時間: 星期一至五 13:00-22:30、星期六至日 12:00-23:00
※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *