[西環] Cobo House ‧ 超美味驚喜沖繩豬腩肉,仲有白松露精緻新菜單

前晚去左主打精緻菜式和藝術甜品的COBO HOUSE食晚餐,菜式和甜品都相當精緻,水準頗高。在每道菜上枱時,店員都會細心講解菜式製法和材料,很用心的,難怪平日的晚市都坐無虛席,係一個食飯和慶祝的好地方!

 

原文網址: http://connie-hk.com/cobohouse

 

餐廳環境不算大,但裝修優雅骨緻,配上簡約的裝飾和吊燈;餐廳樓底高,感覺沒太大的壓迫感,很舒適。

今次我地叫了新推出的Winter White Truffle Menu – 4 Course Menu $880/位包括前菜、小食、主菜和甜品

另外仲單點菜式選擇,我倆還點了一份主菜和甜品,其實好多款都想試呢!

Pan Seared Scallop and Octopus
輕煎過的帶子和八爪魚,搭配了新鮮蔬菜和車厘茄等,面頭的數片黑松露立即令賣相顯貴;帶子和八爪魚咬落都很爽口惹味,吃的時候蘸上一旁酸甜的柑橘醬,還有另味道提升的銀魚粉,胃口迅即打開了。

Crab Ravioli, Crab Tobiko, Crab Bisque Chips
這道感覺色彩繽紛又可愛的其實係蟹肉雲吞,面頭都放上一片龍蝦湯脆片,另外一旁三隻色的分別係紫椰菜、南瓜和刁草忌廉汁,成碟藝術品般美!

每顆雲吞咬落爆汁,裡面填滿絲絲蟹肉,味道好鮮好好食,蘸上不同的醬汁別有一番滋味!!

Pan Seared Veal Tenderloin with Pistachio Crust
用上牛里脊肉,蘸上綠色的開心果碎,底下以薏米代替米飯(意大利飯?),還搭配了一旁的紅菜頭醬,整體是很特別的配搭。店員更會即席係客人的主菜上刨出白松露片,感覺好高級呢!

牛里脊食落充滿開心果香氣,味道又不覺突兀,反而覺得又幾好味啊!牛里脊肉本身牛味頗突出,咬落爽口沒什麼脂肪位,可按個人喜好蘸上碟上的紅菜頭醬,還有一塊菇味濃郁的舞茸菇,好食。

White Wine Pear
飯後甜品都一樣高質,用上cocktail杯盛著的白酒煮梨,面頭白色的係入口富幽香的白松露泡泡,搭配同樣白色的茉莉香米雪葩。中間放了已切塊的白酒煮梨,梨煮得好入味,帶濃郁酒香,仲放左幾塊杏仁蛋糕在內,蛋糕吸盡晒白松露泡泡同雪葩,食落好幸福,呢款甜品好好食!

Okinawa Pork Belly $328
呢個豬腩肉同男人一致認為係近期食過最好食既主菜,真係好彩有叫到佢,真心推薦!聽店員介紹話件豬腩肉師傅用左麵豉同大量不同水果去醃,上枱準備切既時候,肉眼已經見到肉質係醃得非常之腍,望到都垂涎三尺!

主菜有跟自家醃製的酸瓜蘿蔔和辣蕃茄醬等,另外仲有一碟菜提供。店員建議食法係用菜包住肉同醬一齊食,好似食緊韓燒生菜包肉咁,食落會無咁膩,但我倆都好享受就咁食已經停唔到口。

輕輕一切好容易就能將整件豬腩肉分離,食落半肥瘦既腩肉充滿陣陣脂香,肉質軟腍,脂肪位更介乎入口即溶,唔怕食腩肉既話,呢個確實令人回味!

Soybean Tiramisu $198
同樣用上Mascarpone cheese去製成的Tiramisu,不過面頭的可可粉換成了黃頭粉,亦將手指餅換成韓國年糕,每啖咬落都煙煙韌韌,搭配黃豆粉很夾!放在一旁金色那枝「黃金吹雪」,其實係金箔片黎,客人可只行添加,不過一路加的時候由於太輕身的關係,一直被吹走(哭),超浪費的,所以都沒有怎樣加上。

 

 

Cobo House
FACEBOOKIG
地址: 西環石塘咀南里8-12號地下及1樓 (港鐵香港大學站 B2 出口, 步行約1分鐘)
電話: 26563088
營業時間:
星期一至五12:00 – 15:00、18:00 – 23:00
星期六、日及公眾假期 12:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *