[上環] COFFEEHOLIC by Smith Group Taipei ‧ 炎夏味覺之旅 | 美味牛肋條,旋風薯好香酥食唔停口!

炎熱的星期六又走去覓食,地點又係充滿美食的中上環一帶。揀左想去好耐的台灣過江龍Coffeehoilc,看到”台灣”兩字就會好想試!其實小妹都有去過一次,只係急急腳咁飲左杯有靚靚女孩拉花的Flat White,始終無點鹹食覺得未夠盡慶。

 

原文網址: http://connie-hk.com/coffeeholic

 

星期六中午就一於再訪,咖啡店環境不大,步進店內前方已是數張二人枱,右手邊是半開放式廚房。店裡有樓上雅座,上次坐樓上感覺闊落一點點,今次被安排坐下層是真的較為迫狹呢,而且冷氣不太夠啊,談不上舒適。不過店員態度親切,服務不錯!

現在到Coffeeholic Pacebook Page簽到,仲會送一枝日式咖啡小匙,小匙有羅馬時鐘、櫻花、梅花等造型,美觀又可愛!

咖啡店標旁用上來自台灣烘焙的得獎咖啡豆,有多款咖啡供應,最特別莫過於有「甜」、「酸」、「苦」、「辣」和「鹹」五款沖擊味覺旅程的咖啡!可惜今次小妹只點了抹茶拿鐵,真的想試試辣味咖啡是什麼味道,可能要再來一次嚕。

雖然主打咖啡,也有茶、果茶、可可、消暑特飲等供應,連IG打卡一流的紫薯和玫瑰味Latte都有,款式花多眼亂。

食物有分頭盤、沙律、全日早餐、主菜、意粉和甜品等,相對飲品,食物可選擇的款式貴精不貴多。週末中午沒有套餐供應,全都要單點,價錢稍貴。

日本靜岡手工抹茶牛奶佐沖繩黑糖 $68
無糖的靜岡手工抹茶,即係抹茶Latte,用上印有充滿美感的櫻花圖案托盤盛著,還有櫻花造型的小匙,這小小的點綴富日系感之餘,也令相機食先的小妹忍不住連環拍照!

先飲一啖無糖口味的,奶泡質感順滑,帶點抹茶甘澀的味道;再加點沖繩黑糖調味,多了陣天然的甜味,雖然同樣係偏重奶味,但味道是不錯的。

檸檬遇上鳳梨 $68
天氣太熱,飲返杯檸檬遇上鳳梨立即暑氣全消!杯特飲偏向鳳梨味,入面仲有粒粒鳳梨肉架,唔會好甜,夠晒透心涼,就係細杯左d唔夠喉啊。

意大利燴牛肋條、雜菜配溫泉蛋、蘆筍及鮮蕃茄醬 (佐以墨汁麵包、牛油果沙律、旋風薯)$148
木盤上放了主菜外仲配有墨汁麵包、牛油果沙律和旋風薯,份量黎講相當豐富。

燴牛肋條以鮮蕃茄、雜菜等燴得相當入味,這次我們的牛肋條咬落是帶點筋位的嚼勁,多了一重口感卻不會覺得難嚼開,配搭濃郁鮮茄醬汁,好食啊!將中間的溫泉蛋刺穿在拌勻後,食落質感更滑溜呢!

當中的墨汁麵包,食落鬆軟帶微微鹹的味道,用來配主菜食也不錯;仲有較特別的牛油果沙律,可見食材配搭都有用心,一點都不普通!

另外旋風薯都好好食啊,炸至金黃色外形較厚身的旋風薯都係第一次見!咬落香酥充滿實在的薯茸口感,味道就似m字頭的扭扭薯,一下子就掃光了!

大蝦忌廉汁意大利粉 $148
意粉仲加左意大利青瓜、雜菌和櫻桃蘿蔔一齊煮,賣相豐富又健康!

意粉質感煮得軟硬適中,每條都沾上濃濃的忌廉汁,忌廉汁的味道好似仲帶點蒜香味,所以比平時的忌廉汁更覺惹味!另外當中爽口的大蝦已去了殼,感覺很貼心呢!

 

 

COFFEEHOLIC by Smith Group Taipei

FACEBOOKIG
地址: 上環蘇杭街126-128號嘉寶大廈地下C號舖
(港鐵上環站 A2 出口, 步行約5分鐘)
電話: 35656774
營業時間: 星期一至五 08:30-18:00、星期六 09:00-18:30、星期日 10:00-18:00

※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *