[旺角] Coffee Talks ‧ 牛油果熱潮不斷 | 牛油果PIZZA、牛油果意粉! 水果茶都好飲啊!

近期牛油果大熱,琴日去左間位於太子既Cafe餐牌上有好多牛油果既菜式,吸引左唔少牛油果控去潮聖!雖然小妹對上次杯牛油果飲品有點抗拒,但事實上並不抗拒牛油果作為食材。

原文網址: http://connie-hk.com/coffeetalks

 

店內環境都相當唔錯,向著街外的高枱位和仲有落地玻璃透光感覺特別悠閒。不過枱與枱之間夾為密集,一大聲少少講野就好易騷擾到人,幸好樓底算高,人客不多的時候還是感覺很放鬆。

食物大多以輕食為主,有沙律、精選早餐、小食、漢堡、意粉/意大利飯、薄餅和甜品等。

飲品都係較為大路的各款咖啡、朱古力、梳打、英國茶、乳酸沙冰和水果茶等。
(惠顧任何主食,正價飲品可減$10)

 

TALKS特式茉莉花水果茶 $52
估唔到呢度有小妹至愛既水果茶,梗係要叫返杯啦!用上特大既啤酒杯盛著,兩人一齊分享不是問題!一大杯入面有好多水果,火龍果、西瓜、青檸、菠蘿、橙同檸檬等,仲好細心提供埋長叉比你吉黎食。

水果茶味道飲落清甜解渴,帶有水果的清幽,也有恰到好處的酸度,而且甜度剛好,好耐無飲過岩自己口味的水果茶了,有驚喜!

鮮奶抹茶 $38
這杯抹茶Latte有靚靚的玫瑰拉花,飲落缺少了抹茶的甘澀味,雖然較易入口,但抹茶控應該會較為失望,另外建議甜度可再降低少少會更好。

芝士煙肉焗大啡菇配沙律 $48
大啡菇上加左芝士煙肉焗至誘人的金黃色,咬落多汁又夠腍,加埋本身完美組合的芝士煙肉一齊食,為味道較單一的大啡菇加添左份惹味感,好食!

牛油果忌廉汁大蝦意粉 $108
第一次食以牛油果入饌的意粉,整碟意粉都呈現出綠色的狀態,食落還是以忌廉味為主,細嚐下會食到牛油果的質感,味道是淡淡的,但卻相當creamy! 三隻大蝦都有用胡椒調過味,所以食落頗香,蝦肉也爽口。

牛油果蟹肉車厘茄比薩 $118
第一次見到有蟹肉配牛油果既組合,梗係要點黎試下。Pizza黎到已經一開六,咬落去屬於帶點點厚度的薄脆餅底,面頭鋪滿蟹肉絲、蟹籽、數塊牛油果片和原粒車厘茄,咬到中間仲見到綠色既牛油果蓉。食落蟹肉的味道比牛油果還突出,牛油果味不明顯,但就食得出佢既質感,是頗特別的組合。

朱古力脆脆慕絲蛋糕 $42
最後叫左件朱古力蛋糕,餐廳仲擺盤擺到靚靚咁上枱,面頭仲有玫瑰花瓣作點綴,立即加晒分呢!朱古力蛋糕味道很濃郁,中間的慕絲質感頗滑,而且唔會覺得好甜膩,仲用左學古力脆脆做餅底,成個都係朱古力,好滿足!

 

 

※本文以用餐當日的環境、服務和食物質素為準,口味亦因人而異,文章只作參考之用。
Coffee Talks | FACEBOOKIG
地址: 旺角洗衣街167-175A號嘉德大廈地下2號舖
(港鐵太子站 B2 出口, 步行約4分鐘)
電話: 3705 3128 / 6999 0623
營業時間: 星期一至六 11:00-22:00
星期日及公眾假期 10:00-21:00

 

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *