[觀塘] C.O.W. Dining ‧ 工廈內品嚐慢煮美食,必試驚喜又美味的蕃茄清湯


而家工廈真係愈來愈多有特色同水準的餐廳,意想不到觀塘的工廠大廈也隱藏著這麼一間有水準,以健康慢煮為主題的意大利菜餐廳「C.O.W. Dining」


餐廳感覺係屬於私房菜格局,空間感頗闊落,牆上掛上不少逗趣的掛畫,讓我頓時想起「醜比頭」。

看看餐廳,這裡的五道菜晚餐$368/位,包括頭盤、湯、迷你意粉、主菜和甜品,另有茶/咖啡,需加一服務費,我們兩個人剛剛好便可以點兩個套餐了。

服務員先送來一小碟的法式芝士粒配蕃茄粒和香草醬,中間白色的係水牛芝士,配上香草醬、蕃茄片和生菜一齊食,味道清新 ,為我們的晚餐打開序幕。

雜凍肉碟配慢煮蘋果和季節性沙律菜黑豬汁
喜愛食凍肉的小妹看到這個配搭很開心呢,裡頭有一片莎樂美腸和巴馬火腿,莎樂美腸食落帶辣夠惹味,配上沙律菜和咬落爽脆味甜的慢煮蘋果,蘋果又能平衡了凍肉的鹹香味,第一道菜小妹已經食得津津有味。

新鮮芒果蝦沙律配煙挪威三文魚和慢煮紅菜頭
喜歡食海鮮既可以選擇呢個有蝦同煙三文魚既頭盤,蝦肉食落彈牙,不過芒果肉就未夠清甜,有點酸。

再來係自家製麵包,麵包用橄欖油所製,經烘過後咬落外層微脆,帶麥香,密度高有咬口 ,滿好食的。


野菌忌廉湯
野菌湯入口質感細滑,係沒有粒粒菇茸個種,但奶油的味道有點過重,所以稍稍有蓋過野菌的味道。

蕃茄清湯
蕃茄湯就飲得多,而蕃茄清湯真係第一次見,據說呢款清湯工序繁複,所以好少餐廳會做。呢款蕃茄湯真係清得好透徹,入面細細粒既係蕃茄粒,比平時飲既蕃茄多,多左陣清甜既味道,仲帶有濃郁蕃茄香,感覺比濃稠既蕃茄湯好飲得多。

自家製雲吞配牛肝菌、利可他芝士和義式青醬忌廉汁
初時看到餐牌,還在想又意粉又主菜怕食唔晒,原來這裡的意粉不是主菜的一部份,是迷你版的小食,可讓客人嚐嚐味道,還頗特別。入口的這個意大利雲吞味道頗討好,吃到濃郁的牛肝菌香,配上creamy的青醬汁,不錯。

慢煮新西蘭羊扒配露絲瑪莉汁
羊扒望落頗厚物的,切開後見到肉質呈粉紅色,廚師用慢煮既方法鎖住左肉汁同鮮味,咬落鬆化富肉汁;亦因為新西蘭既羊係食齋,所以騷味自然無咁重,岩晒怕騷味人士。

再說說伴碟的配菜吧,薯仔的外形很像一顆草菇再拿去焗,金黃色的帶脆外皮,內裡係綿綿的薯蓉質感,很喜歡! 還有那經慢煮過的的冬菇和茄子也是用心製作之選,兩樣咬落都多汁好好味呢!

慢煮美國牛肋條配法式紅酒汁
比起牛扒,小妹更愛牛肋條的軟腍質感;主角牛肋條經慢煮八小時後再焗45分鐘,咬落軟腍多汁,肉味濃郁不黏牙,好食!

值得一提這裡的梳乎里是滿不錯,一上來的時候發得滿高的,是拍照拍久了才有點塌下來。食落微熱,質感很鬆軟輕盈,而且充滿奶香,好味啊! 朱古力慕絲是濃稠的質感,朱古力味也是很濃郁不過甜。

餐飲點了一杯咖啡,有趣的是,他用餐廳提供的一小杯奶拉出一個圖案來,有趣,滿有天份嘛!
C.O.W. Dining
地址: 觀塘觀塘道396號毅力工業中心2樓F室
(港鐵觀塘站 A1 出口, 步行約8分鐘)
電話: 3565 6814
營業時間:
星期一至日: 12:00-16:00; 19:00-23:00 
*晚餐必須預先訂座

================================
(喜歡的,請按讚支持,是給我很大的鼓勵啊  
   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *