[佐敦] 咖哩葉 ‧ 讓人一吃愛上的異國菜式,印度烤雞、烤蘑菇、牛油咖哩雞都大力推薦!

在香港想食正宗咖喱的地方唔多,通常都會聯想到重慶大廈,但係果度俾人感覺人流比較複雜,行近大廈門口就有”熱情的招待” 唔係一般人受得了,最重要係覺得果度食物份量偏少。但原來行遠少少,系鄰近的佐敦的有好好味又抵食,仲要大大份的正宗咖喱。

 

原文網址: http://connie-hk.com/curry-leaf

 

餐廳的地點唔算旺,人流少,但餐廳內坐無虛席。店內充滿印度特式的佈置,柔和的燈光配上輕輕的印度歌曲,坐位亦吾會迫狹,環境舒適。

餐牌內款式眾多,但分類清晰,除了有中英對照,每道菜式都有詳細介紹,十分細心。

落單後餐廳會送上小吃胡椒薄脆餅,附上三種醬汁,脆餅本身咸中帶辣好好味。

印式芒果酸奶 $45、印式甜酸奶 $38
芒果酸奶飲落帶清甜清幽既芒果香,甜度適中;甜酸奶就係普通乳酪味,都係較喜歡前者。

羊肉咖喱角 $40
咖喱角大大隻十分飽滿,份量十足。角內充滿著用香料醃過的免治羊肉和青豆,十分惹味。

印式炸薯餅 $65
有4大塊炸至黃金的的薯餅,薯餅內除了薯蓉,更混有芝士,印度葉及香料。外層香脆,因有芝士的關係,除了薯蓉香味更帶有芝士的味道,唔錯。

自家秘醃烤蘑菇 $88
用印式香料醃過的蘑菇,味道就似常見的印度烤雞,帶微辣,蘑菇大粒爽口。印度香料配上蘑菇的口感,感覺上有點兒似雞肉,十分特別,推介!

印式烤雞塊(4塊) $80
餐牌上有兩款烤雞 : Chicken Tikka (印式烤雞塊) 和 Tandorri Chicken (唐多里烤雞), 根據餐牌上的介紹兩款的分別就是前者是無骨,後者是有骨,上網搜尋過都是只是有骨(原隻)與無骨的分別。

菜式以鐵板上,上枱時吱吱聲,香氣四溢,氣勢十足。肉質鮮嫰多汁,醃料帶微辣,十分惹味,而且無骨啖啖肉,十分過癮。唯獨雞件上不是常見的紅色,但味道就差不多,問了職員,要點Tandorri Chicken 才是紅色的。

牛油咖喱雞 $115、蒜蓉薄餅 $25
黎食印度菜必叫返份咖哩,呢款牛油咖哩雞,加左牛油同蕃茄汁一齊煮,食落重奶油味,帶有甜酸的惹味感,加埋啖啖無骨既雞肉,配埋薄餅食一流!

 

咖哩葉 | Curry Leaf
地址: 佐敦荗林街16-18號荗林商業大廈地舖 (港鐵佐敦站 B2 出口, 步行約5分鐘)
電話: 81000911
營業時間: 星期一至日 12:00 – 15:00、18:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *