[銅鑼灣] 蜀大俠 ‧ 麻辣上癮的四川火鍋,湯底又麻又辣很好吃!

一講起四川火鍋,嗜辣的應該對蜀大俠既麻辣火鍋不陌生吧。只是估唔到微辣對小妹黎講都係非常辣,餐廳完全無遷就港人口味而調低辣度;佢地既辣入口先麻後辣,辣得黎又好香!辣得有點嗆喉感又令人引唔住想繼續食,本身湯底味道好夠,食材唔使特別蘸上醬料都夠味!

 

原文網址: http://connie-hk.com/cwb-heroshu

 

餐牌整到成本秘笈咁,好特別,另外有推介餐廳內12份招牌菜,賣相精緻,款款都想試。
(醬料+茶 $25/位)

自家出品既芝麻調和油,餐紙上有介紹點食會更好味。

餐前小吃,不用收錢。

紅白鴛鴦鍋 $138
估唔到湯底叫左微辣都係好辣,初時見到鍋上咁多紅辣椒已經知道”大獲”,不過佢又真係好惹味! 怕新辣既可以食由豬骨和牛骨熬製的白湯啊。

花千骨 $108
花千骨醃得非常入味,記住要淥15分鐘先好食;食落肉質鬆化又香又麻,果然出色。

舌尖上的蜀大俠 $98
用上一片片既牛舌砌到成朵玫瑰花咁,夠晒靚。

冰川鵝腸 $98
叫左三款鎮店菜,冰川鵝腸上枱時有乾冰圍晒邊,充滿仙氣。鵝腸就裝係一個用冰做既冰球器皿,保持新鮮賣相又靚,鵝腸咬落爽脆,咀嚼中有辣味滲出,好食!

手切美國雪花肥牛(細)$148
美國雪花肥牛食落有嚼勁牛味都重,放落惹味既麻辣湯底已經好食。

凍豆腐 $32
每次打邊爐必叫既凍豆腐,一碟份量唔少,吸湯底一流。

升級蔬菜拼盤 $88
食咁多肉,當然有叫返個升級蔬菜拼盤。入面有成九款蔬菜,娃娃菜、唐生菜、油麥菜、粟米、蕃茄、香菇、金針菇、蓮藕片同萵筍等,感覺新鮮,咁多款總有一款岩食。

土星(檸檬沙冰)$38
想解辣既話都可試下佢地新出既星空沙冰系列,漸層顏色賣相好夢幼。不過身為螞蟻人既小妹都覺太甜了,攪拌左都好甜(可能甜d先可解辣吧?)。

 

 

蜀大俠
FACEBOOK
地址: 銅鑼灣軒尼詩道525號澳門逸園中心2樓 (港鐵銅鑼灣站 D2 出口)
電話: 29868919
營業時間: 星期一至日 12:00 – 15:00、17:30 – 00:30
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *