[銅鑼灣] 玖五牛肉麵 ‧ 台灣過江龍的牛骨湯牛肉麵 | 還有在港少見的麻辣臭豆腐和鴨血都有得吃!

「超蓮牛肉麵」初時友人誤以為呢間新開既台式餐廳真係叫呢個名(笑),其實真名為「玖五牛肉麵」,由台灣開黎的過江龍,老闆娘正是何家千金何超蓮。據說超蓮愛其的牛肉麵,便決意要將它帶來香港,香港店就這樣誕生!開業初期見到不少網民都話其口碑一般,愛吃台灣菜的小妹都無特別諗住去試;不過始終食物口味人人唔同,最真實都係自己親身去試先知岩唔岩自己,就係麵的價錢確實略貴。

 

原文網址: http://connie-hk.com/cwb-jiu-wu-beef-noodle

 

除了牛骨湯牛肉麵,在港少見的麻辣臭豆腐和鴨血都有得吃

除了主打的牛肉麵外,「玖五」也帶來了在香港的台式餐廳較少有的麻辣臭豆腐和麻辣鴨血。蕃茄湯底也是香港限定的,說真的,小妹也頗喜歡食麵搭玩蕃茄湯底的,下次再來一定要試試! 不過這間「玖五」和其他台式餐廳有點不同的是,這裡沒有鹽酥雞和台式香腸 (配飯才有)的小食,也沒有讓香港人瘋狂的芋圓仙草系列的台式糖水,有點意想不到!

餐廳的位置對於小妹來說不算就腳,大熱天時走著走著都出晒汗。幸好餐廳環境不會太過迫狹,冷氣夠,坐得都頗舒適。

餐牌上的牛肉湯麵分為紅燒、麻辣和蕃茄三款口味,另外仲有滷味、拌麵、小食、鴨血和臭豆腐等,小食款式貴精不貴多。

先來一碟小小的酸菜來開胃。

紅燒招牌三合一 $95
三合一包括左有牛腩、牛肚同牛筋,每一件都燘得幾入味,牛腩部份夠腍又唔會完全無咬口同痴牙,牛肚側咬落爽口;深色的湯底據說用左大量牛骨同藥材熬煮左八個鐘,牛骨湯飲落幾濃味,帶甘甜既味道,藥材味唔明顯,入口會較為溫和;選擇左硬質麵條口感,麵質咬落爽滑,整體味道不錯的!

麻辣鴨血 $32、麻辣臭豆腐 $32
在香港比較少見到有得食鴨血同台式臭豆腐,麻辣鴨血食落唔會太辣,鴨血入口滑溜,但爽滑口感,比想像中討好;臭豆腐食落真係有個種較為紮實的質感,食得出有臭豆腐個隻味,不過可以再臭少少。

滷味 (三款)$28
可以揀三款小食先$28,揀左滷花干、滷百頁同滷蘿蔔。一碟上黎份量都唔少,真係好抵食!三款滷味仲加入左醬油膏,所以味道都很夠!尤其喜歡入口無渣又甜既白蘿蔔,入味之餘又夠腍;另外花干(炸豆干)同百頁豆腐都唔錯,很喜歡百頁豆腐的質感。

凍蜂蜜檸檬珍珠紅茶 $31、凍珍珠奶茶 $29
飲品方面本身小妹係想試珍奶的,可惜無論茶味同奶味的味道都較淡,反而蜂蜜檸檬紅茶飲落比較清甜解渴。

 

玖五牛肉麵
FACEBOOKIG
地址: 銅鑼灣駱克道399號金禧大廈地舖 (港鐵銅鑼灣站 C 出口, 步行約4分鐘)
電話: 28920320
營業時間:
星期一至四 11:30 – 23:00、星期五至六 11:30 – 00:00、星期日 12:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *