[銅鑼灣] 串カツ専門店 ‧ 價錢吸引香港少見的日式炸串 | 必點雞蛋豬肉卷和惹味章魚燒

香港真係一個美食天堂,想食邊國菜式都不愁無得選擇,銅鑼灣更係眾多餐廳既集中地,包括呢間專食大阪炸串的JunG39

 

原文網址: http://connie-hk.com/cwb-jung39

 

餐廳的裝潢好似日式居酒屋,燈光較為昏暗;店內有唔少啤酒同焼酎選擇,放工後黎小喝一番食返幾枝炸串都唔錯!店內大部分都係日本人,連客人都有好多係日本人 (當日不停聽到客人說日文),亦都有識講廣東話的店員,店員態度很親切,完全不用擔心溝通上問題。

餐牌有兩頁,一頁係各款炸串既餐牌,另一份有齊沙律、小食、炸物、食事和甜品等。

先來一杯夏日冰涼感既Frozen Beef $68、烏龍茶 (忘記價錢),啤酒是男人點的,上層的泡泡好似雪糕,賣相可愛!啤酒除左原味,仲有百香果、西柚和藍橙皮等果味可選擇。

先來一客送酒枝豆 $38

大陂傳統料理土手煮 $38
當日係面豉牛筋,牛筋燘得夠腍,搭配面豉醬順滑惹味,當中的蒟蒻質感爽口,男人話配白飯一流!

和牛卡爾帕喬 $118
用上高質既鹿兒島A4和牛,肉質入口軟滑肉味濃,仲搭配左醒胃黑醋、橄欖油同忌廉芝士,食落更加滋味。

餐廳出名日本炸串,有多款唔同炸串可以選擇,我地揀左五花肉、特選牛、雞腿肉、魷魚、紅姜片 各$18;每串都會裹上一層超薄炸粉拎去炸,最重要係炸完食落唔覺熱氣,油都唔多滴,食落非常乾爽既炸串,非常高質!

蘆筍 $12,小妹超愛蘆筍,咬落鮮甜多汁,忍唔住再叫多串!五花肉食落香口富肉汁、特選牛是意想不到的牛味濃、仲有比較少見的紅姜片,食落又唔會好辣,味道容易入口。炸串仲另附上特製醬汁,蘸上後更覺惹味!

日本雞蛋豬肉卷 $30
呢款必叫雞蛋豬肉卷,用煙肉包住半熟蛋拎去炸,切開後雞蛋黃仍呈半熟狀態,賣相吸引,食落蛋味濃郁,咀嚼中又滲出點脂香,好食又唔貴!

大阪代表美食章魚仙 $38
餐廳名身之一,章魚燒底下放了一大片蝦餅,店員建議我地將章魚燒連同蝦餅一齊食,口感豐富左;章魚燒至外脆內軟,味道已經相當唔錯;不過塊蝦餅好快比醬汁整腍左,質感變韌,要搣開黎食較為困難。

黑松露伴魚蓉 $45
由於炸串太美味關係唔太夠喉,我地再加單叫左呢款價錢稍高少少的黑松露魚蓉,咬開看到不少黑松露,但食落同魚蓉好似唔太夾,這款較失望。

G39咖哩飯 $78
咖哩飯會隨機跟炸串,今次有蔬菜串同蘆筍豬肉卷咖哩入口係日式甜辣,辣味會慢慢湧上,會愈食愈辣,而且仲幾惹味添。

 

 

串カツ専門店 | JunG39
FACEBOOK
地址: 銅鑼灣軒尼詩道499號永光商業大廈17樓 (港鐵銅鑼灣站 B 出口, 步行約1分鐘)
電話: 21436777
營業時間: 星期一至六 18:30 – 04:00、星期日休息
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *