[銅鑼灣] SUPERDON ‧ 食材新鮮的丼飯專門店 | 吞拿魚三色丼很好食!

自從愛上享受美味既刺身後,周圍去食不同的丼飯店也是一種樂趣,不過勝價比高的,又會回頭食的始終不多!前排去左銅鑼灣一間開業不久的日式丼飯店,一出地鐵行兩三分鐘就到,對於身為路痴的小妹,真係超方便。

原文網址: http://connie-hk.com/cwb-superdon

餐廳沒有一個正式中文名稱,所以門口用上日文名稱和英文店名SUPERDON,有前衛的感覺。

拉開趟門,餐廳環境以白色為主調,給人很簡潔的感覺。呈長方形的用餐環境,座位不多,左邊係高枱位,沿住狹窄的路直入右邊就係數張二至四人枱,枱與枱之間甚為迫狹,算不上係舒適,特別係出面多人等位時都唔會坐得耐。

餐廳有照顧到不食刺身的客人,所以餐牌上有分刺身或熟食丼飯,刺身丼飯較特別的有貝殻類丼飯、馬糞海膽丼飯、吞拿魚三色丼、北海道海鮮丼和自選海鮮丼;

熟食的有特選鰻魚丼、黑松露和牛丼、醬燒廣島蠔丼、熊本A5和牛火焰刺身丼等,其實好多款都想試!餐牌除左圖文並茂外,仲會列明每份丼入面材料既份量,例如幾片刺身、幾份海膽,同埋有邊款配菜,很清楚又貼心!

吞拿魚三色丼 $238
(加$20 轉定食有埋蟹肉沙律同麵豉湯)
唔使估都知我又係叫吞拿魚丼,一碗有大拖羅、赤身同香蔥吞拿魚腩蓉,如果價錢貴少少,有埋中拖羅就更完美喇。

套餐中的蟹肉柚子汁沙律,食落甚足料,有不少蟹肉和蔬菜在內,配上柚子汁,夏天食很開胃。

成碗粉紅色的吞拿魚丼望到都吸引,望落去甚為豐富;除此之外,配菜有牛蒡、薑片,仲有平時食Omakase先有供應的面豉蒜頭,整體大大加分啊!

先食赤紅色的赤身,顏色望上去唔會暗淡無光,食落質感軟嫩,魚味甚重;

一球粉嫩色的吞拿魚腩蓉,上面加左少許蔥花提味,自行添加少許豉油和芥辣拌勻,食落好惹味,有魚香得來也伴隨點魚脂香。

最正係兩片呈粉紅色兼厚切的的大拖羅,入口軟滑無筋,滿咀充斥著魚油香,幸福就係咁簡單!

整碗丼飯,每款吞拿魚都食到應有既味道,米飯用上珍珠米,粒粒飽滿,配上恰到好處的醋味,令人食慾大增!

小妹品嚐緊美味既吞拿魚三色丼同時,男人就叫左個和風炸雞丼 $98
(加多$20 轉定食有埋蟹肉沙律同麵豉湯)
炸雞數量唔少,接近鋪滿成碗丼飯,另外仲跟埋沙律醬同雞汁比你蘸黎食,仲細心配上青檸比你檸汁落炸雞度,更加開胃。

炸雞的外皮咬落不算是很薄那種,不過新鮮炸起,咬落相當香脆可口,幼嫩的雞肉咬落充滿著肉汁,相當不錯!

 
※本文以用餐當日的環境、服務和食物質素為準,口味亦因人而異,文章只作參考之用。
スーパー丼 SUPERDON | FACEBOOKIG
地址: 銅鑼灣駱克道501號地舖
(港鐵銅鑼灣站 C 出口)
電話: 2668 1663
營業時間: 星期一至四及日 12:00-23:00、星期五至六12:00-00:00

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *