[銅鑼灣] 和民居食屋 ‧ 皇室堡嶄新概念店,食物水準都很滿意呢 | 超愛這裡的牛肉壽喜燒,甜甜的湯底很好吃


最近同佢都比較常去銅鑼灣一帶,有時想搵間性價比高,價錢大眾化既餐廳都唔係太多選擇。


近來得知銅鑼灣皇室堡原來都開左和民,仲要係全新概念店,餐廳裝潢係由日本著名設計師設計,以淺木色為主調,光線柔和,又設有不少卡位,帶有高雅時尚感,感覺舒適。

餐牌圖文並茂一向係和民既特色,唔係估估下,好快就決定到要點什麼,最特別係有埋木日推薦既餐廳,介紹是日精選食物。
驟眼睇落,餐牌上食物同其他分店既分別唔大,但就有幾款好似第一次見,好似小妹叫既鰻魚原燒玉子、黑毛牛芝士漢堡同吞拿魚沙律等,之前去其他店都唔見有,所以特別叫黎試試。


吞拿魚沙律 $38
薯仔沙律同吞拿魚沙律係分開兩堆的,上面仲加左少少脆卜卜,食之前可以選擇撈勻佢,分開食都得,細細碟但好飽肚。

自家製鰻魚原燒玉子 $68
之前見到和民供應既係一整件既玉子燒配明太子醬,個個已經覺得味道幾好。今次新推出呢這款鰻魚玉子燒,賣相頗似丼丼屋既玉子燒。

端上檯時仲見到熱辣辣冒住煙,玉子蛋入口有著嫩滑質感,綿綿的,充滿著蛋香;中間夾住了鰻魚肉,食落有種甜甜的味道,相信係鰻魚既醬汁,估唔到食落又幾夾,好食!

黑毛牛芝士漢堡 $88
漢堡扒預設左7成熟,但如客人需要亦都可選擇全熟。

漢堡扒切落去唔易散開,食落充滿肉汁,牛肉味頗濃,咀嚼中帶點軟腍的質感,加埋面層略烤過既芝士,雖然芝味唔算濃,但整體味道又相當唔錯。

酥炸軟殼蟹 $45 兩隻$73
小事多滋味,所以剩係叫左一隻。軟殼蟹咬落勁酥脆,切開後仲見到有蟹膏添,勁邪惡又好味。覺得唔夠味既話仲附上埋千島醬比你點,呢個價錢確係抵食。

牛肉壽喜燒 $98 (奉送雞蛋)
每次去和民必點既壽喜燒,今次都係,佢仲有個小份量既 $68,但其實一個大既小妹都食得晒,再比貴少少仲可以轉埋做和牛,今次我地就無要到。

牛肉雖然唔係和牛,但睇落都唔錯,入口肉質頗嫩,配埋甜甜味道既壽喜燒湯底,同牛肉真係好夾,特別好味。連娃娃菜、豆腐同粉絲都因為呢個湯底而變得更好味,食完勁滿足,要我一個人食晒都唔係問題。

蕃茄海鮮相撲鍋 $98 (奉送雞蛋)
仲有三種湯底可以揀,包括昆布、蕃茄同泡菜辛味,另可以追加烏冬同白飯。
材料要魷魚、蜆、元貝、蟹腳和蝦等,另有少許蔬菜同粉絲,整個鍋落都算豐富。

我地叫左蕃茄湯底,幾特別既係入口帶微辣,愈食愈似食緊泡菜湯底,唔係好食到蕃茄味。如果揀返清d既底湯 (好似昆布)應該會比較好味,小妹都係較喜歡壽喜燒個款。
居食屋「和民」
網站: http://www.watami.com.hk/
地址: 銅鑼灣告士打道311號皇室堡4樓401號舖
電話: 2175 3010
營業時間: 星期一至日: 11:30-22:30
================================
(喜歡的,請按讚支持,是給我很大的鼓勵啊  

   

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *