[銅鑼灣] 達人烤肉 ‧ 烤肉熱潮未減退,難得飽肚的頂級烤肉套餐 (已結業)


銅鑼灣一帶真係好多韓式烤肉店,愈開愈多,估唔到既係人流都相當勁,每到晚飯時間更加一位難求,講既就係今晚黎到既達人烤肉。其實小妹真係唔常食烤肉,因為價位較高,有時用上幾百蚊都好似食左陣風咁,確實肉赤,唔知今次呢間店又如何呢?


先講返餐廳環境,佈局同大多數既烤肉店差唔多,不過要讚既係冷氣夠涼,大熱天時一邊食住烤肉都唔覺熱。


呢度同樣有數款涼菜,包括芽菜、沙律同洋蔥絲等同生菜可以免費添加,就連蛋漿都係,呢個反而唔多烤肉店做到,確係吸引呢。

芝士粟米都係另一個吸引之處,仲牽到絲架! 不過芝士味其實唔算濃。

另外仲有鹽、甜辣醬同甜酸醬可沾烤肉食。

今次我地就決定要點套餐,分別有兩個套餐,包括頂級套餐及特級套餐 $620/520,前者係3~4人份量,後者係2~3人份量。但睇落頂級套餐既3~4人份量都唔係好多食物,我地兩個食肉獸最後就要左頂級套餐 (3~4人份量) $620,價錢唔平。

霜降牛肉
色澤鮮艷,看到雪花紋的降霜牛肉,一碟有約六片,每片都切成長方形大小的。每片都煎至約七成熟就食,入口肉質頗嫩滑腍身,但就欠了一些肉味,唔夠濃。

竹筒五花腩肉
一整件的五花腩,需自行剪開再慢慢燒,而且腩肉頗厚身的。燒香左的五花腩咬落肉質鬆化,咀嚼中油脂四溢,味道比牛肉的更好食啊,頗驚艷的。

秘製特級牛仔骨
同樣一大件上桌既牛仔骨,紅噹噹既顏色,已醃過入味,在沒烤至全熟既情況下肉質咬落滿爽口,味道唔錯。

秘製牛舌
牛舌切得相當薄身很透薄,而且份量唔少,只需輕輕一烤已熟透,不過咬落未至於很爽口,味道一般。


燒完幾款肉後,其實都幾飽肚,黎緊仲有幾隻食落啖啖肉既烤大蝦芝士腸未燒,芝士腸簡簡單單燒香佢,再沾醬已經好食。
達人烤肉
地址: 銅鑼灣駱克道491-499號京都廣場3樓
電話: 2351 0880
營業時間: 星期一至日: 15:00-01:00

================================
(喜歡的,請按讚支持,是給我很大的鼓勵啊  

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *