[銅鑼灣] Ember ‧ 設計時尚的不規則金色牆格局,食物質素不錯也有心思

一到夜晚,想係銅鑼灣搵間坐得舒服的餐廳認真不易,一係排晒隊,一係坐得又迫又嘈!但行遠少少就發掘到呢間環境舒服,食物味道又不錯的Ember。

 

原文網址: http://connie-hk.com/ember-cwb

Ember據說係M1 bar旗下既餐廳,食物水準固然不錯。餐廳內樓底高,闊落舒適,酒吧枱那一片裝潢得時尚有特色,影相一流!除左放工黎呢度飲返杯外,晚餐價錢相宜都係一個不錯的選擇。

餐牌部份

China Trap House $118
呢杯用萬壽無疆杯裝既茶味Cocktail,中西融合既飲品,影相一相。有綠茶和果汁搭配的味道,飲落酒味不重,但味道不太適合我倆。

Music Tower $70
呢杯用切條菠蘿堆砌得很有型的Mocktail,飲落菠蘿味很重很清新,夏天飲解暑一流!

脆炸鵪鶉蛋墨魚波配泰式辣汁 $98
每粒墨魚丸內都釀左一粒鵪鶉蛋再拎去炸,入口時非常熱辣辣,墨魚波質感就如蝦滑般爽彈,搭配鵪鶉蛋豐富左口感同味道,蘸上泰式辣汁,帶點微辣很惹味。

烤西班牙黑毛豬伴荷蘭豆燒手指薯配燒汁 $168
幫我們落單的那位經理?很貼心的建議我們要七成熟,食落會無咁韌。黑毛豬份量不少,咀嚼中的肉質頗鬆化,食落還帶點脂肪位,就算不蘸醬食落都唔會無味,味道不錯!底下還伴有荷蘭豆和薯角等,飽肚又健康。

低溫慢煮烤法國黃油雞胸釀黑毛豬辣肉腸、芝士伴季節時蔬配迷迭香燒汁 $188
對於這道菜小妹相當感興趣,第一次見有釀入辣肉腸和芝士的黃油肚胸,當然要叫黎試試。黃油雞胸賣相像整隻雞脾般,中間都是無骨的,輕輕一切已能分開。

能看到中心有半溶芝士和粒粒紅色的辣肉腸,雞胸食落頗嫩不乾,又未至於滑不溜口個隻;芝士和辣肉腸的味道不算太明顯,建議芝士可再濃味少少;但這樣的配搭或是光吃雞胸味道都不錯,蘸上些迷迭香燒汁已經不錯,個人黎講頗喜歡。

 

Ember
FACEBOOK
地址: 銅鑼灣告士打道229-230號宇宙商業大廈地舖 (港鐵銅鑼灣站 C 出口, 步行約5分鐘)
電話: 21714268
營業時間: 星期一至六 15:00 – 04:00、公眾假期及前夕 15:00 – 04:00
(星期日全日休息)
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *