[太子] 安哥食館 ‧ 太子街坊小菜館 | 必試脆皮咕嚕肉,一口蠔也相當不錯

雖然睇開小妹既分享都好似偏向食日本菜和西餐多,其實小妹都鍾意食中菜架,好似咕嚕肉,金沙蝦球、粟米班球、炒飯等等都係小妹喜歡的菜式。係長沙灣至深水場一帶其實都有不少地道小菜館,仲記得讀書時仲未有開飯網時,是但入左一間小菜店,點左個好好食既黃金蝦球足已令我印象深刻。

 

原文網址: http://connie-hk.com/encore-kitchen

是晚去左一間位於深水埗界限街的小菜館,店子就是在劉皇發中學隔離,地理位置有點偏,幸好有GoogleMap帶路。


店內的環境不大,就是簡單的街坊小菜館格局,放了數張圓檯,內裡光鮮企理,還滿舒適的。

周圍的牆壁上貼滿了很多不同的菜牌和推介菜式的相片,確實花多眼亂,選擇困難症又來了!

(餐牌在文末)
餐廳除了一些地道小菜外,仲有各款海鮮、雞煲、水煮魚、潮式小菜,反沙芋、蠔仔粥、蠔仔煎蛋等;其他像脆皮新鮮牛坑腩、柚子明蝦球、豉油王肥鵝腸、原隻風沙豬手等,也是小妹覺得滿有特色的小菜,奈何胃部容量有限,唯有等下次先試吧!

(小菜店再做冬季酬賓,任何時段光顧都有9折優惠,真好! *海鮮和酒水除外)

我地兩人總共叫了三款小菜和一個炒飯,要讚的是小菜都上得很快。店子也有提供一些飯前惹味小食,裡頭有豆卜、花生和菜甫等,我們都食過不停。

薯仔牛柳粒 $98
薯仔有煎過,連埋牛柳粒同蜜糖(味道甜甜地)炒過確係惹味!薯仔粒外皮仲帶點微脆,內裡軟腍,如果你牛柳粒可以再鬆化少少會更正。

金牌咕嚕肉 $98
由於小菜款式太多,所以問左店員有邊款小菜推介,佢就推介左呢款招牌咕嚕肉,咁就一於試下。

咕嚕肉連同洋蔥、紅黃青椒一齊炒,可以見到咕嚕肉的份量不少啊!橙色的甜酸咕嚕肉外皮很薄很脆身,和之前在某中菜店食到的冰鎮咕嚕肉很相似!肉質帶爽,酸酸甜甜的好開胃,是一流的送飯小菜。

安哥一口蠔 $88
老公指明要食的一口蠔,一碟有成二三十隻蠔仔,可見份量十足。蠔仔每粒都炸得金黃香脆,炸粉也不厚,每粒都食到實在的蠔肉,面頭再加上炸蒜香粒和辣椒等,很似避風糖口味,帶微微辣又好香口惹味。


澳門燒肉炒飯 $98
熱辣辣用鐵鍋上,店員也細心的提示”小心燙手”!加了雞蛋、切丁燒肉、菜框和芫茜一齊炒,飯炒得夠晒乾身,粒粒分明!也因為加了燒肉,食落更會多左重惹味度。

初時見到炒飯裡有芫茜真係頗抗拒,幸好芫茜味道不算明顯,不過小妹見到都會照夾返出黎,如可以標明返就更好,不竟芫茜的味道不是人人能接受。

 

 

安哥食館
地址: 港鐵太子站 D 出口, 步行約8分鐘
電話: 2736 0608
營業時間: 星期一至日: 18:00-02:00

 

部分餐牌↓

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *