[銅鑼灣] FLIPPER’S ‧ 40分鐘的等候 | 蛋味濃郁的奇蹟之班戟,期間限定蜜瓜班戟

上個週末因為屋企得返自己一個,造就左小妹自行出去搵食!結婚後,真係好少會獨自去覓食,仲要晨早咁神心出去銅鑼灣,為既就係近來大熱既FLIPPER’S,真心覺得要黎會一會呢份「奇蹟之班戟」!素來最憎排隊,如果要我排一定係揀間餐廳開門前排,起碼之後既時間會比較好用,唔會被排隊破壞晒全日既行程!

 

原文網址: http://connie-hk.com/flipper

 

大約九點幾近十點去到Hysan既六樓,十點半登記左(拎完飛可以去行下),大約11點就入得去了,食完出黎真係勁多人排緊隊啊!

今次被安排坐面壁位,餐廳以開放式裝潢設計,排隊時可看到店內的用餐情況。配上簡單的掛畫佈置和吊燈,令人感覺舒服。中間放置了一張長木枱,有一排靠牆壁的座位,和數張三至四人枱,座位確實不多,也沒有設用餐時間,等位時間會稍耐一點。

餐牌上暫時以四款甜味班戟為主,有原味、士多啤梨藍莓香蕉、綠茶紅豆、榛子朱古力焦糖香蕉,仲有一款期間限定,每日限量50份的蜜瓜班戟,一聽到限定兩個字又會特別想試!

出去比錢落單後,會有個號碼牌比你放係枱上,店員就會將班戟送上。這一等就等左約40分鐘,其實食就食左20分鐘咋~好彩餐廳有USB叉電位提供,一路上住網時間都好快過。

期間限定既蜜瓜班戟 $159


剩係睇賣相已經夠吸引,一碟三塊班戟,仲有一球蜜瓜雪葩同有成7-8件日本蜜瓜,成個配搭平小妹食過的較為豐富。

班戟送上時店員有建議可同時用兩枝叉的輔助來品嚐,小妹雖然不太懂但無再細問,可能用兩枝叉將班戟中間撥開黎食,味道會比較平均?沒有多想,但有照做。

這份質感軟綿的班戟,蛋香味真係好重呀!唔再係只食到麵粉的味道,可以話係小妹食過既班戟中數一數二濃蛋味的!雖然食落唔係屬於充滿空氣感、入口即化個種;佢裡面係一層薄薄的蛋糕質感,但係質感相當輕盈。小妹竟然可以一條友啪晒成碟都唔覺好膩,岩岩好可以作為一個Lunch。

配上清香的蜜瓜味忌廉、蜜瓜味雪葩同日本蜜瓜真係好食無誤!不過今日個蜜瓜咬落好多汁但唔夠甜,呢方面可再完美少少。

小妹雖然無食過日本個間,但係香港黎講水準確實唔錯。見到鄰枱既士多啤梨都好吸引,看來再訪的機會近了!

 

FLIPPER’S

FACEBOOKIG
地址: 銅鑼灣軒尼斯道500號希慎廣場6樓i.t blue block (港鐵銅鑼灣站 F1 出口, 步行約2分鐘)
電話: 2367 2133
營業時間: 星期一至日 11:00-22:00

※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *