[尖沙咀] 鮨一日本料理 ‧ 招牌層層海膽杯,海葡萄沙律也是推薦菜式

前排到了出名「海膽杯」的鮨一食晚餐,海膽杯(大)雖然用小杯呈上,但份量不算少,如兩人分享可再試埋餐廳其他食物啊;晚餐時間人流不斷,好多人在等位,而且坐位都較迫,不過為左食好野都唔介意吧!

 

原文網址: http://connie-hk.com/g-one-sushi-tst

 

坐bar枱剛好見到師傅們正在製作壽司

軟殼蟹手卷 $32
望住師傅即叫即包既手卷,帶微熱的軟殼蟹份量很多,食落很香和脆口,而且食到底都仲有,好食!

日本海葡萄蕃茄沙律 $128
喜歡這海葡萄沙律,海葡萄給的份量頗多,一串串翠綠色的海葡萄,驟眼望落都知新鮮,咬落卜卜聲,帶點鹹鮮的味道,搭玩香甜多汁的日本蕃茄,頓時胃口大增。

鮨一千層海膽杯(大)$298
鮨一既招牌千層海膽杯,面頭鋪滿滿加拿大海膽,仲有金箔做點綴,顯得更加精緻。雖然唔係話勁鮮甜,但其味道都可以;底下仲有唔少吞拿魚蓉,海膽食極都仲有好多咁,食得多都會較膩。建議兩人一齊分享,可以再叫埋其他野食。

活北寄貝$248、粒貝$388、針魚$238
店家推薦了的貝類刺身,選了北寄貝和粒貝,還有針魚,一整盤上桌擺盤擺得很美;

針魚食落口感清爽,肉質柔軟魚味重;

北寄貝切得薄片入口仍有著爽脆口感,而粒貝爽口,兩款貝類蘸上醬汁食更添滋味。

特盛鰻魚 $178
男人至愛燒鰻魚,淋上鰻魚醬汁和黑芝麻,一整條上枱狀甚吸引。鰻魚食落口感軟身,不過魚骨纖細,不太感食到魚骨,這點很重要的,我倆都覺得整體不錯。

一夜干 $98
燒至煙煙韌韌魷魚一夜干,簡單蘸上蛋黃沙律醬已經頗好吃,是一道不錯的送酒小食。

 

 

鮨一日本料理
FACEBOOK、IG
地址: 尖沙咀厚福街12號藍馬商業大廈18樓 (港鐵尖沙咀/尖東站 B2 出口, 步行約4分鐘)
電話: 37059227
營業時間: 星期一至日 12:00 – 14:30、18:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *