[銅鑼灣] 蕎道樂居酒屋 ‧ 低調居酒屋 | 師傅發辦,性價比高的蕎道樂創意丼

在銅鑼灣逛街發現了這間感覺低調的日本餐廳,由於餐廳在地庫,如不是他們街上放了易拉架也頗難留意到呢!

原文網址: http://connie-hk.com/gald-way-japanese-restaurant

 

餐廳環境頗闊落,以木系裝潢為主,牆上有掛了是日菜式的木牌,這部分很有日本風呢!人流不多,所以整餐飯也非常舒適。

餐牌選擇很多,前菜/沙律、煮物、天婦羅、揚物、卷物、拉麵、燒物、串燒、壽司/刺身、刺身丼等;仲有兩款二人套餐都係二三百蚊,食物份量都唔少架,好抵食!

食日本菜有餐廳贈送的梨味香檳,很有情調。

露筍牛肉卷 $48
呢份牛肉卷一份約有7-8件,份量都唔少架。每片牛肉都包住翠綠爽口的露筍,再加上燒汁,差唔多食晒成碟。

燒牛舌 $48
相對其他食物呢份燒牛舌就有點貴,每串有三片,不過都燒得唔錯,牛舌咬落爽口,加上少許黑椒調味,味道已經很不錯。

蕎道樂創意卷 $80
師傅會以當日食材既去設計出一份創意卷,端上來的時候,賣相確實不錯啊!總共八件卷物,有兩款不同味道,包括係海膽帶子卷和吞拿魚蓉鱆紅魚卷,裡頭同樣包住蟹柳和玉子,這配搭又黃又紅的,顏色賣相頗鮮艷,中間仲有隻甜蝦坐鎮,味道不俗,$80不貴了。

蕎道樂創意丼 $130、蔥碎吞拿魚丼 $140
同上面一樣,師傅同樣會以當日食材既新鮮程度去拼湊出一份刺身丼,由於同師傅講左唔食三文魚,所以佢就幫我撇除左佢,太貼心了。

一上桌賣相唔錯啊,仲要份量唔少!驟眼望落大約有剝皮魚、帶子、星鰻、八爪魚、牡丹蝦、吞拿魚蓉、赤貝、左口魚裙邊、海膽和魚等!雖然刺身食材唔係什麼大拖羅、馬糞海膽之類,但咁多款鮮艷奪目的刺身拼左一起,真的非常豐富!

而且食落沒有腥味,質感不新鮮的情況出現,要挑剔既就係唔鍾意醋飯中均入左壽司薑碎對於怕食薑的小妹,見到會忍唔住一粒粒挑返出黎,未能專心品嚐這碗丼飯。

蔥碎吞拿魚丼的吞拿魚蓉份量頗多,給得十分慷慨!而且能食到魚味魚脂香,相當滿足。

唔夠喉仲可以加$100換購一板韓國海膽,之前有食過韓國海膽可能唔新鮮入口帶苦味。不過今次食比想像中好,都有食到海膽的甘香,只係鮮甜度一般,純粹過過口癮都唔錯!

總結餐廳位於銅鑼灣中心地段,蕎道樂的價格算是非常親民,味道和質素又不錯,店員服務態度親切,會有再來的理由。

 

 

※本文以用餐當日的環境、服務和食物質素為準,口味亦因人而異,文章只作參考之用。
蕎道樂居酒屋 | FACEBOOKIG
地址: 銅鑼灣軒尼詩道499號永光商業大廈地庫
(港鐵銅鑼灣站 B 出口)
電話: 2140 6883
營業時間: 星期一至日 11:00-23:00

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *