[元朗] 夏茶 ‧ 現打現製的鮮果特飲,大推芝士菠蘿雪沙同水果茶

元朗區既飲品店真係愈開愈多,好似「夏茶」、「良辰吉時」、「小時候」、「茶里史」、「醋頭家」、「士丹里」同「茶亭」等,競爭激烈,總有一間係左近!除左主打果醋既醋頭家外,「夏茶」既芝士奶蓋同雪沙都係小妹心水之選!初時見人話好好飲都唔明有咩特別,估唔到一試愛上,十日內飲左三次添!

 

原文網址: http://connie-hk.com/hacha-yuenlong

 

「夏茶」剛好就開係良辰吉時對面,假日時人流真的不少,由於每杯都係現點現打,等候時間會較長。夏茶既飲品,小妹真係見佢落左唔少水果去打成,確保真材實料!如果遇著當日某款水果靚的話更會推出是日限定呢,今期最當造一定係蜜桃,小妹飲左芝士蜜桃雪沙真係好好飲!

飲品餐牌,取自夏茶Facebook Page
店子有售賣鮮果茶、芝士奶蓋、鮮果多多、奶茶和淳茶等,價錢唔平,但飲完會覺值得。

芝士芒果雪沙 $36
第一次去叫左芝士芒果雪沙,長身既杯份量都都幾多架!先飲芝士奶蓋,奶蓋層唔算好厚,飲落命飲到芒果味混埋一齊,仲飲到裡頭有芒果肉,加埋帶點鹹香既芝士奶蓋,比起純粹芝士奶蓋味多左重果香。又幾好飲喎!而且沙冰底打得滑又香甜,甜度無少甜少冰都岩岩好。

芝士菠蘿雪沙、蜜桃大滿足 各$36
第二次叫左芝士菠蘿雪沙同蜜桃大滿足,睇住佢用新鮮水果即批即窄汁!大加分。菠蘿芝士奶蓋,芝士味比上次既芒果芝士奶蓋重!同樣奶蓋層唔算好厚,覺得濃稠剛好。小妹覺得芝士奶蓋都係過口癮,大熱天時,下面解渴既沙冰先係重點,個沙冰真係無得輸!菠蘿味超香甜解渴,好好飲啊!蜜桃大滿足裡面真係有粒粒桃肉架,桃味飲落唔係個種糖漿甜,比較清幽,味道清甜得黎同樣唔錯!

鮮果四季春茶 $32、芝士巨峰雪沙 $38
入面有西瓜、青檸片、檸檬、橙片等,飲落係小妹鍾意既味道!(似茶芝味)恰到好處既甜度(無任何冰和糖的調整),有茶香又有水果清幽甜味同果酸味,是我杯茶啊,反而芝士巨峰雪沙我就覺得還好吧!

 

 

夏茶 | HA CHA
FACEBOOKIG
地址: 元朗康樂路8號康樂廣場地下3號舖 (港鐵朗屏站 D 出口, 步行約10分鐘)
營業時間: 星期一至日 12:30 – 21:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *