[灣仔] 家賀屋 ‧ 鮪魚之夜 | 三訪推薦「特選海鮮丼」質素都不錯啊!

二訪「加賀屋」,一直覺得佢係一間水準頗高既日本餐廳,壽司刺身質素都相當不錯,比較多人熟悉一定係佢既特選鮪盛,一個價錢食晒大中細拖羅,試過一次之後會想再返黎食。

 

原文網址: http://connie-hk.com/harvest-house-sushi-2

 

鮪魚刺身專門店,三訪海鮮丼飯都有驚喜 (今次是二訪+三訪合併的文章)

只是一個平凡的晚上,我倆突然決定去家賀屋食晚餐,一諗起佢地既吞拿魚刺身已經好肚餓!小妹除左時不時會去豐洲食吞拿魚丼飯之外,家賀屋都係另一選擇,質素從未令我失望過。由於唔係第一次分享了,不再寫環境服務,只集中分享食物方面。

ORION $58
一坐低男人叫左杯來自沖繩的生啤,$58有咁大杯又唔算貴,見到有唔少枱客人都有點到啤酒!

火燒鰻魚玉子燒 $38
估唔到餐廳供應既玉子燒價錢又唔貴,一客三件,裡面既鰻魚都唔少。食落軟綿綿富蛋香,都唔錯啊。

特選鮪盛 $220 (圖二、三係第三次黎食的)
已經第二次食特選鮪盛,感覺黎得加賀屋一定要叫返份。由赤身、中拖羅到大拖羅,每件壽司都發揮得到佢應有既味道。反而覺得中間既中拖羅最好食,入口質感油潤細膩,有魚香又有魚脂香。反而今晚食既大拖羅都略帶筋位,雖然味道影響不大,但當然無就完美。

大吞拿魚腩刺身 $260
一客五片的大拖羅,色澤粉嫩,每片都有咁上下厚度。雖然每片都略帶筋位,但食落去都唔太覺,質感仍是頗滑的,咀嚼中魚脂香爆發,油脂豐潤,很滿足之餘,食得多都會有點膩,同友人分享就岩晒。

特選海鮮丼定食 $275
大大碗丼飯可以一次過試到多款刺身,定食仲會跟麵豉湯、沙律和日式蒸蛋,所以我和男人都一碗分來食。

刺身包括左磯煮鮑魚、三文魚籽、赤貝、立魚、三文魚、油甘魚、左口魚裙邊、海膽、赤身、大拖羅、蔥吞拿魚腩蓉、特大赤海蝦,種類很多;可是男人對生蝦類敏感,我地嘗試問問店員是否可換走蝦類?謝謝店員的幫忙,讓我將兩隻蝦補差價換了一片中拖羅(但店員說平時盡量都不能這樣換來換去的),所以這碗丼飯沒有了赤海蝦,多了我瘋狂愛的中拖羅!

刺身的質素還不錯,就是較薄了點。磯煮鮑魚已細心的一開二,咬落彈牙不乾,加了點醬汁好食;

大拖羅真的無得輸,小妹放到最後先慢慢品嘗,入口真的很細嫩和油潤,真不想喝啖茶沖淡它!

另外仲有充滿鹹鮮既三文魚籽和蔥吞拿魚腩蓉拌飯食一流,可惜當日的海膽入口有苦味,較為失色。刺身底下是加了飯素的醋飯,飯粒軟糯好吃。

海膽豆腐 $50
海膽+吞拿魚蓉+豆腐既組合貌似吸引,不過食落基本上只食到豆腐味,海膽味道消失得無影無蹤,較為失望就是。

油甘魚 $12(件)、原條海慢 $35、黑松露特大赤海蝦 $20、黑松露三文魚 $20(2件)、灸燒黑松露特大帆立貝 $60(2件)、灸燒左口魚裙邊 $35(2件)。另外我地都單點左一整碟壽司,壽司的價錢唔算貴,食落都新鮮。

特別係油甘魚,色澤均勻,魚質嫩滑,魚味和魚脂味都有,好食;黑松露特大帆立貝,肥厚既帆立貝,食落啖啖肉介有黑松露香,好滿足。經灸燒過的左口魚裙邊,迫出個股油脂香真係好油潤好邪惡!計拖羅後又一至愛,變成每次食壽司必點的其中一款。

 

家賀屋刺身寿司專門店
FACEBOOK
地址: 灣仔灣仔道83號1樓
電話: 28366466
營業時間: 星期一至六 12:00-15:00、18:00-23:00、星期日 18:00-23:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *