[元朗] Herbs And Spices ‧ 來這裡享受一下慢熱生活 | 這裡的冬蔭公意大利飯和芝士蛋糕都會有下次啊! (已結業)


一到週末既元朗市中心,完全可以用水泄不通黎形容,每條路都迫爆人,係藥房化妝品店門外更誇張,一個唔覺意仲可能除時比大媽們既一個二個行李箱轆親,感覺比行花市仲多人。雖然唔少人都話元朗多美食,但係咁既情況下,一放假都唔太想落街行,因為真係多人到癲。


(喜歡的,請按讚支持,是給我很大的鼓勵啊  
   
不過有時為左美食都會豁出去,轉個頭小妹又即刻換衫落去覓食,大前題當然要間餐廳既食物同環境夠吸引先有動力去啦。今次呢間新cafe係位於教育路個頭,之前上網有望過佢既餐牌,感覺唔錯,據說仲要係星期五先正式營業。所以星期六中午就與他一齊黎試下。餐廳位置係一條巷仔入面,不算難找。

這間新餐廳的招牌係深綠色的,門外有放置數張露天座位; 而室內的環境不大,只有數張桌椅,感覺較迫狹。裡頭有著一般cafe的特色,咖啡機、木桌木椅和小擺設等。不過近排天氣凍,所以我地就決定坐外面,座位較闊落舒適,身心更覺悠閒寫意。

剛新開張的優惠,早餐及午市有9折呢! 晚市85折~學生午餐減$10,看上去還頗吸引的。

午餐的供應時間由12:00-2:30,午餐有A-K選擇,叫SET更包餐湯、餐包和餐飲。價錢由$52-$68不等,係個肉眼扒餐要$108,價錢不貴頗抵食的。餐飲包汽水/有機茶/凍柚子茶,如轉鮮磨咖啡就+$15(熱)/$18(凍)。


另外的早餐、下午茶及晚餐餐牌


先黎烘至香脆的法包配牛油,簡單好食。

還有餐湯-粟米忌廉湯,味道可以。

Blue Orange Latte (跟餐+$15)
Latte有Coconut/Blue Orange/Ginger選擇,店員推介Blue Orange味道較為輕盈! 

果然入口有淡淡橙香,奶泡打得滿輕柔,入口順滑,不錯啊,拉花的圖案也是滿穩固漂亮的。

炸金絲薯蝦冬蔭公意大利飯 $68
第一次見冬蔭公意大利飯好特別啊! 用了一個美美的碟子盛著,有三件炸得熱辣辣又脆口既金絲薯蝦。

意大利飯入口先帶來一陣滿勁的酸辣味,再來係一股辣勁,小妹與他都覺得惹味非常,如果飯的質感可再硬返少少就更加好,下次會再叫呢。

燒雞扒芝士意式包配薯條 $52
意式包的份量頗大,包都有烘過,裡頭夾了生菜、紫椰菜絲、蕃茄、青瓜、芝士、兩塊雞扒。雞扒有稍稍煎過,肉質尚算嫩滑,女仔食一個都已經相當飽。

焦糖芝士蛋糕 $38
面層經烤過的範圍係焦糖味的,下層係芝士蛋糕。食落芝士味很濃郁,又滲出陣陣焦糖香,餅底又夠脆。平時係出面點焦糖味甜品最怕過甜,呢度既就不甜不膩! 小妹覺得好食啊!! 有下次~
Herbs And Spices
地址: 元朗教育路81號元達樓地下
營業時間:
星期一至日: 12:00-22:00
星期二休息

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *