[天水圍] 一糖 x「鮪魚前輩」糖水店

天水圍元朗區既糖水店唔算少,但會翻啅既真係一隻手都數得晒。之前「一糖」係天水圍新開張時,見到有不少人都慕名而去,見到佢地出品既甜品款式都幾吸引,可惜評價好壞半半,可能新開人多,所以最多人投訴既係甜品上得慢,小妹為有再等多排先去。

原文網址: http://connie-hk.com/idou-dessert

相隔兩三個月人流已經有消散跡象吧?!見放工仲有日光,就拉左老公去試下!據說一糖既門面好型,當然要揀有日光既時候影下相。從西鐵天水圍出口過對面小馬路,已經見到欄杆上插晒紅色旗幟教你點行,認真細心!沿路會經過寵物酒店,路程約五分鐘,算易行。

完全估唔到係一個人流疏落既露天停車場裡,會有一間裝修得幾靚既糖水店。說真的如果唔係靠網上平台既介紹,真係會走漏眼。

糖水甜側邊既水泥牆上有一幅名為「大魚壁畫」既塗鴉,好型格,影相一流,令人印象深刻。

店內環境不大,簡單的水泥牆裝潢,右邊係出餐的地方,只有幾張桌椅,仲有幾個室外坐位。如果渣車黎,仲可以泊架車係外面,十分方便。

甜品種類選擇頗多,餐牌上大多都圖文並茂;中/西式糖水、心太軟、窩夫、芝士撻、奶昔、沙冰,仲有近來新出既「沖繩紫薯」系列,連張廣告海報都整得好靚!

棉花糖紫薯 $32
既然新出左紫薯系列,梗係要叫返一款黎試下。甜品份量不算大,一個人食晒無難道!棉花糖上灑了紫色紫薯粉,美觀度加分!(可按喜好添加朱古力醬)撩開棉花糖後,底下係啖啖紫薯肉,雖然有點乾但味道都唔錯,配搭上都有驚喜。

鮮雜果流心芝士撻配紅棗茶定食 $46
估唔到呢度都有芝士撻食,仲配搭了鮮雜果同飲品,價錢都係$46 很相宜。

一份定食已包括兩個迷你芝士撻,可以同朋友一人一個唔使爭。撻皮咬落鬆化,芝士撻咬落是有流心的,芝味是有但不算很濃,整體黎講我倆都覺得唔錯。

相信紅棗茶是用紅棗醬開的,味道濃得來又不過甜,看到杯底的沈澱物,記得先拌勻再飲味道會更好。

算得上係心太軟控既小妹,一糖竟然有供應多款不同味道的心太軟,除左較普及的朱古力同抹茶,仲有未曾見過既黑芝麻、榴槤同Bailey味,最終揀左個反傳統既榴槤口味挑戰下!

榴槤心太軟 $58
賣相擺盤精緻,仲配左一球草莓雪糕同雜果。

心太軟切開後流心澎湃,榴槤味聞落頗重,但食落就一般,硬係覺得榴槤流心既味道不夠天然。早知食返抹茶或朱古力味比較穩陣,不過就幾鍾意旁邊既一堆雜果,可以減低甜膩感。

Oreo 士多啤梨奶昔 $35
男人仲叫左杯奶昔,很大一杯,上面仲吱左一層厚忌廉,很邪惡啊!飲落士多啤梨味道較明顯,唔太飲得出OREO既味道,但係就食到粒粒OREO碎,整體較一般。

 

 

※本文以用餐當日的環境、服務和食物質素為準,口味亦因人而異,文章只作參考之用。
一糖 | FACEBOOKIG
地址: 天水圍屏山上璋圍249號地下1號舖
電話: 2488 6002
營業時間: 星期二至日16:00-01:00 (星期一例休)

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *