[銅鑼灣] 岩浪天扶良日本料理 ‧ 細嚐「金」會席的各種醉人滋味

小妹很愛食Omakase,一想到就會充滿著期待的心情,然而自己也有固定愛去的那一間。不過偶然也會想試試不同餐廳的,無論食材、品嚐的款式和煮法相信也會有大大不同的地方,是晚就去左銅鑼灣的「岩浪天扶良」來一頓美味晚餐。除了Omakase,店名「天扶良」即是天婦羅的意思,據說這裡的天扶良也很不錯。

 

原文網址: http://connie-hk.com/iwanami

步進店內,已看到店內放滿一枝枝色彩繽紛的日本酒;裡面以簡約的和風木系裝潢為主,放了不同的藝術擺設,頓時增添了優雅的感覺。

餐廳的座位不多,包括一張呈L型的壽司吧枱、一間VIP房以及數張二至四人枱,所以建議黎之前可先訂位,食Omakase梗係坐壽司吧枱睇住師傅整最開心。

Omakase分為4款會席「鑽天」、「銀」、「金」和「鉑」,價錢由$1000-$1500 不等(另加一)。今次我地就品嚐左「金」會席$1300,包括前菜、冷物、刺身7點、和食、天婦羅4點、椀物、和食及壽司5貫、甜品

前菜 (由左至右開始食)
左邊係由日本薯仔整成既薯蓉配日本蠶豆、中間係白梅貝,食落肥美有嚼勁;仲有以蟹肉製成既啫哩,質地似食緊啖啖蟹肉,頗鮮味。

再黎係冷物蟹肉豆腐,仲有一小串小花做點綴,豆腐食落很幼滑,面頭加上醬油同蟹肉,簡單得來又靚又好味。

赤矢柄刺身
白身魚本身味道較清淡,脂肪成分不多,適合用黎薄切,配上柚子啫哩酸汁,味道清甜得來又幾惹味。

倉魚刺身
魚質咬落爽口滑身,簡直蘸上豉油和芥末已很不錯。

間八刺身
間八又名鱆紅魚,個樣都油甘魚頗為相似,味道爽口彈牙,魚脂味也不弱。

平貝刺身
灸燒過後再灑上點竹炭鹽,咬落面頭帶點微脆爽口,不過鮮甜度只屬一般。

慢煮鮟鱇魚肝,面頭加左清新的柚子皮碎,食落質感如鵝肝般軟滑甘香,而且不覺肥膩,好食!

醬油漬野生拖羅刺身
原切拖羅 師傅話此款拖羅來自紐西蘭,咬落爽口、肥美,油脂味重,不需多點醬油已好夠味,可惜較為多筋。

中場來一碗白魚湯,入面仲有赤矢柄魚肉架,味道飲落鮮味,可以順道清清味蕾。

再來一道鐵板燒-炭燒和牛,真係要講句好好好食!和牛燒到外層帶有陣陣炭燒香,剩係望到中間桃紅色的肉質已經很吸晴,牛味咬落很爽勁,牛味重又多汁!

跟住到另一位師傅開始我們的天婦羅4點,每一款天婦羅都係你面前即炸即食;另外仲提供埋海鹽、咖哩粉、檸檬同天婦羅汁讓客人配搭不同的天婦羅,好專業啊!

蝦卷天婦羅,內藏蝦肉蝦膏再拎去炸,紫菜夠脆,一啖食落好香好惹味,蝦肉好爽口,最重要係炸粉夠薄,仲要不油不膩,好食; 香魚天婦羅,建議蘸點海鹽食,咬落外酥內軟富鹹香味,唔會覺得食到細骨,可以安心品嚐; 毛蟹天婦羅,同樣建議蘸海鹽食,咬落係啖啖軟滑既毛蟹肉,充滿濃郁蟹鮮味,一條唔多夠食; 沖繩苦瓜天婦羅,小妹怕食苦瓜,所以就比埋男人食,佢就話唔太苦,但我試左少少都係覺苦(笑)。

慢煮八爪魚
用60度水慢煮,爽口鮮甜,中間部分質感很嫩口,感覺很特別。

灸燒鮫鰈配魚肝
入口很滑,燒過後鮫鰈迫出油脂,配埋魚肝簡直係雙重滋味,好綿好邪惡。

煙燻鰹魚
入口帶陣陣煙燻的味道,卻不失鰹魚的鮮味,入口軟嫩,也食到魚味。

拖羅蓉手卷
裡面除左粉嫩色的拖羅蓉外,仲有酥香的炸洋蔥,壽司飯內亦加左灸燒過的吞拿魚油。剩係睇文字,小妹已經回味無窮,這樣的配搭係相當有驚喜,食落豐富左口感,仲好香好邪惡!

赤海膽撈飯再加上白海膽,每食一啖,海膽的甘甜味充斥滿咀,好滑,而且味道好濃好鮮甜。一面是食一面讚嘆不已,真係好好食啊!

飯後甜品有哈蜜瓜、甘橘同水信玄餅,用來擺盤的器皿很得體!哈蜜瓜食落清甜多汁,仲有清甜解膩的甘橘;晶瑩剔透的水信玄餅本身沒什麼味道,配埋香甜的黑糖醬及黃豆粉,又是另一番滋味。

日本靜岡縣綠茶茶色澤綠,飲落綠茶味清幽,甘香不苦,很適合晚飯後來一杯。

 

 

※本文以用餐當日的環境、服務和食物質素為準,口味亦因人而異,文章只作參考之用。
岩浪天扶良日本料理 | FACEBOOK
地址: 銅鑼灣軒尼詩道525號澳門逸園中心9樓
(港鐵銅鑼灣站 D2 出口)
電話: 2591 1159
營業時間: 星期一至日 12:00-14:30、18:00-23:30

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *