[葵芳] Izumi Curry ‧ 人氣大熱,超療瘉系蛋黃哥(梳乎蛋) 主題餐廳 | 人流暫時未算很多,用餐時間90分鐘,要潮聖要快嚕~(餐廳已換主題)


早排知道觀塘APM的開左間期間限定的蛋黃哥的主題餐廳,心知一定會好多人,地點又較遠,所以都無諗住去潮聖。到近來原來專食咖哩的Izumi Curry剛好在新都會廣場的分店會改成蛋黃哥Gudetama主題餐廳,聽到呢個消息真係極其興奮,因為地點十分就腳,而且更說有新餐牌推出,這麼吸引,二話不說便決定搵日放工即刻去。


5:40去到個時都係得一兩個人在門口影相,但餐廳要5:45先開門,所以就先自行在側邊排隊,後期愈黎愈多人,餐廳都成搭十先開門,記住用餐時間係90分鐘,每位最低消費係$40

一開門梗係未坐滿時左拍右拍,成間店都佈滿晒蛋黃哥,真係好好好可愛呀!! 牆壁上都係蛋黃哥的圖案,桌子成張都有蛋黃哥的花紋,就連餐紙和紙巾都係牠的樣子 (真想問服務員拎一套來收藏呢!),椅子也套上蛋黃哥椅套,每個座位更有一隻蛋黃哥公主陪住你用餐,整間餐廳都是黃橙色的,身為粉絲的你怎抵擋得住牠的庸懶和可愛呢。

仲有可坐多人的卡位,牆上掛上很多蛋黃哥的照片!!

拍照位置


先看看餐牌,為這個主題餐廳新推出的蛋黃哥食物,多與「蛋」為主題,每款食物都有牠的樣子,十分盞鬼。咖哩飯、烏冬、沙律、日式燒餅,連班尼迪蛋都有;


另外當然不少得特飲和甜品,唔想額外叫甜品,可以叫一個主食再加$18就有個蛋黃哥奶凍
(記住叫特飲會有蛋黃哥既杯墊的!)

餐廳係以點菜紙自行落單形式,用筆在紙上選好後交給服務員就可以。

蘋果汁 (跟餐附送)
叫一個咖哩系列的飯會附送橙汁或蘋果汁,蘋果汁係似果汁先生隻味道,不過無咁甜。用上印有蛋黃哥可愛模樣的黃色杯子盛著,好想買走隻杯。岩岩新開幕時一隻係$48,而家都有得買,但可惜已經轉左款,圖案無咁可愛,興趣大減,所以可以慳返唔使買了。

流心芝士玉子飯 $139
叫左個樣好得意既流心芝士玉子飯,用上紫菜將玉子和白飯一起綁住,就好似一件大玉子壽司般,再用上車厘茄、西蘭花和薯仔等增添色彩繽紛,光睇賣相已經夠晒可愛!! 

大大塊玉子夠軟屬滑溜,入口帶有陣陣蛋香,內裡既係半溶的芝士火腿,白飯配埋底下的咖哩汁同食,好睇又好食。

天婦羅咖哩烏冬 $89
唔太鍾意食飯的小妹就揀左烏冬,明顯地烏冬只有隻半熟蛋係印左蛋黃哥的樣子,另插上一枝蛋黃哥紙牌,比玉子飯的賣相當然無咁突出。

以濃稠的咖哩汁代替湯底,每條烏冬都沾滿濃濃的咖哩,烏冬入口質地頗滑有彈性,咖哩汁入口係日式風味的甜味咖哩,味道也不錯,裡頭也加了金菇和蔥花等;天婦羅總共有五件,包括三件天婦羅蝦、青椒和茄子,咬落炸粉尚算薄,不過比咖哩汁浸住左,所以大部份都腍晒,較為失色,如果可以將烏冬同天婦羅分開上就更加好。

熱香餅配士多啤梨 $69
一黎到個樣同餐牌上既好似好唔同,本身見到好似係一塊塊獨立既熱香餅,但黎到時係已經將三塊疊高左做一份鬆餅,中間餡料有忌廉和士多啤梨,另有附上一小杯蜜糖和忌廉。

鬆餅切得有點困難,一切下所有配料都跌晒出黎,頗狼狽的。鬆餅入口帶有綠茶的味道,質感似蛋糕且偏乾,味道一般,完全係靠蛋黃哥加分。


隔離更有蛋黃哥精品專賣店,款式頗多,不過價錢稍高就是。


可以由於轉左新主題關係,人流多左卻人手不足,服務方面幾混亂,賣單賣左好耐,叫左的甜品又遲遲未上,要問左幾次先上左一個,最後都係要取消其中一個,仍有很多改善的地方。
Izumi Curry
地址: 葵芳興芳路223號新都會廣場1樓109號舖
電話: 3104 0457

================================
(喜歡的,請按讚支持,是給我很大的鼓勵啊  
   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *