[台北] 金雞母 ‧ 佛心價的現點現刨冰品,玫瑰冰又靚又解暑!

仲記得十月份既星期四專程去食刨冰,但竟然無開。原來咁岩遇著店家準備緊新品,個排暫時只開星期五、六及日,是我自己蠢啦,沒有去專頁看。所以星期五又再來!下午三點幾已經坐滿客,店子只有十多個位置,好彩好快有位,而且台北天氣好清涼,裡面無冷氣都不是問題,夏天的話又是另一種體驗。

 

原文網址: http://connie-hk.com/jin-gi-moo

 

餐牌整得很美,有晒圖文並茅,相當清晰!除了常態的冰品,偶然會因而季節推出新口味,另外也有熱的糖水供應,像紅豆薏仁等。

叫左兩款刨冰,一款冷泡茶都係NT$260咋,仲以為自己聽錯!賣相同味道都相當討喜,見到老闆即點即刨,呢個價錢真係平到喊啊!

冷泡茶 (四季春、鐵觀音)NT$50
先分享下佢地既手沖無糖中國茶,堂食既話會跟埋兩隻靚靚小杯子倒出黎飲,而且個茶樽都好有線條,可循環再用。堂食個時揀左鐵觀音,冷藏後更加生津解渴又解暑,濃濃茶香,所以走個時買多枝四季春。

秋月黛藍 藍莓冰NT$120(這款是十月份的限定)
呢款為奔月限定的藍莓冰,賣相美美的,面頭淋左藍莓醬和桂花作點綴,有一種高貴的美感;旁邊還有愛玉桂花,又是一款很適合夏天的清爽組合。就是這款的刨冰壓得有點實,不算很綿密吧。

春暖大花玫瑰冰 NT$90
呢個咁靚既玫瑰冰圍返港幣竟然只係$25咋!成個賣相都好靚好夢幻,點影都咁靚。刨冰面頭淋上香甜不假的玫瑰花醬,仲有食用玫瑰花瓣,煙軔軟糯的糰子。圍邊仲有清幽既鐵觀音茶凍。食到一半會見到中間有粒粒紅豆架(唔食紅豆可預先講明),仲有煉奶比你加,味道上好豐富!成個冰都走香甜路線,雖然刨冰稱唔上刨得好細緻,不過味道唔甜唔膩,仲有清甜解渴既感覺,好喜歡。

 

 

金雞母
FACEBOOKIG
地址: 台北市中正區杭州南路一段143巷36號
電話: 0908232108
營業時間: 週二-五 12-20 / 週六日12-19(週一公休)
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *