[銅鑼灣] 蟹慶 ‧ 蟹會席之夜 | 蒸蟹、燒鱈場蟹腳、蟹甲羅味增燒、松葉蟹釜飯! 全都是蟹!

久違了的好友飯聚,都真係成半年以上無見了,選了「蟹慶」作為我們的聚腳點,暢談之餘更品嚐到多款以蟹入饌的蟹會席,確實味蕾大滿足!

 

原文網址: http://connie-hk.com/kanikei-cwb

 

步進店內已看到一個長長的「蟹缸」放滿精靈的巨蟹!餐廳簡約裝潢,貫設了日本風路線。晚市坐無虛席,我們被安排坐在舒適闊落的卡位。

鱈場蟹、松葉蟹及毛蟹。

我們分別點左兩份蟹會席「極」$1088半席/ $2076二人前,已經包括左九款菜式和甜品

其他套餐及單點餐牌

先上前菜,店員建議由右邊開始食起蟹膏青瓜、燒蠔、白飯魚啫哩、三文魚籽蟹膏豆腐及水牛芝士蕃茄

最印象深刻必定係雕成蟹樣的蟹膏青瓜,蟹膏甘味濃郁,簡單好食。

晶瑩剔透既白飯魚啫哩,食落帶點鹹鹹的味道,愈食愈香。旁邊的三文魚籽蟹膏豆腐,嫩滑的豆腐入口有陣陣蟹膏甘香,又有三文魚籽的鹹鮮味,好食。

黑松露巴馬火腿煮冬瓜
賣相精緻,意想不到清甜的冬瓜搭配帶鹹香的巴馬火腿,食落不會突兀,味道不錯。

蟹及精選五點刺身
刺身包括赤蝦、油甘魚、大拖羅、深海池魚、松葉蟹腳及燒三文魚腩。數款之最愛油脂香突出的油甘魚,仲有鮮甜既赤蝦。

鮮甜幼嫩的松葉蟹腳都很不錯。

反而大拖羅略嫌質感不夠滑,魚脂都不夠重。

蟹肉蒸蛋
很喜歡這個蟹肉蒸蛋,蛋蒸得很嫩滑,每一啖都毫不吝嗇的有著絲絲鮮嫩蟹肉,仲有咬落爆汁的三文魚籽,味道更突出。

煮汁鮑魚
極上海鮮今次係煮汁鮑魚,鮑魚已貼心的切成一片片,咀嚼中煙韌彈牙,亦煮得很入味,好食!

蒸蟹
跟住就黎重頭戲「蒸毛蟹」,成隻毛蟹已經貼心的拆好上碟,讓方便客人享用。白滑蟹肉,肉嫩味鮮,仲有蟹蓋上既蟹膏,甘香味濃,相當邪惡!

燒鱈場蟹腳
即席濱燒蟹腳,店員再以火槍灸燒,已剪殼的蟹腳,方便享用;蟹腳咬落啖啖肉,鮮甜多汁外仲多左重焦香,令蟹味更加突出。

蟹甲羅味增燒
一面食燒蟹腳的同時,店員已為我們準備緊甲羅燒,將其燒熱後,再將甲羅燒搽在多士上,入口真的很甘香惹味,不過略嫌調味較重手,稍稍偏鹹一點。

松葉蟹釜飯
最後一道與蟹有關的菜式就係松葉蟹釜飯,店員會再拌入黑松露、蔥和芝麻;

每人分到一碗釜飯,每碗都有隻已拆殼的松葉蟹鉗呢!米飯煮得粒粒分明飽滿,質感軟糯,內藏絲絲蟹肉,食埋鮮甜既蟹鉗,好滿足。

飯後甜品係抹茶蕨餅,質感軟糯水潤,帶陣陣抹茶香,不錯。

蟹慶 | Kani Kei
FACEBOOK、IG
地址: 銅鑼灣軒尼詩道525號澳門逸園中心地庫 (港鐵銅鑼灣站 D2 出口)
電話: 26021600 / 51123521 (Whatsapp)
營業時間: 星期一至日 12:00 – 15:00、18:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *