[屯門] Kiss The Tiramisu ‧ 來自韓國的金邊杯Tiramisu軟雪糕

韓式甜品店在香港愈開愈多,不過大多以韓式刨冰及原個水果冰為主多。今次就有間以Tiramisu做主角的韓國過江龍來港,更一連在屯門及沙田開分店呢,據說一開幕也是人流滿滿的。

 

這天去睇億萬貓星人前先去潮聖這人氣雪糕,店鋪小小的,只做外賣,後方的冰櫃放了一個個預先雪凍了的金色高腳杯,這樣雪糕便可以保持冰涼,沒這麼快溶。

店子暫時提供原味(Tiramisu)、士多啤梨和香蕉味,價錢$43-$46

下午茶時間已有不少人等叫號碼領取雪糕,店員都密密整密密做到無停手,動作十分純熟,所以都不用等好耐。

原味Tiramisu軟雪糕 $43
即叫即整,用上金邊高腳杯展現的雪糕,賣相多了份高貴感。以mascarpone cheese軟雪糕和餅乾碎做基底,再加上咖啡酒、可可粉、再一層軟雪糕、咖啡酒,最後灑上可可粉,還有現刨的朱古力碎,十分豐富。

店員建議食左面頭個層軟雪糕後,再撈勻底既食,mascarpone cheese軟雪糕質感幾滑同挺身,唔易溶,撈勻後真係食到陣陣頗濃的咖啡酒香,味道不錯,不過未算驚艷,就係一杯正正常常又帶點高貴感的 tiramisu 吧!

士多啤梨Tiramisu軟雪糕 $46
另外仲試了士多啤梨味,比原味貴$3,可以見到內裡有真士多啤梨肉和果醬,不過味道就好似食緊麥當勞既新地,相對原味更加普通,所以都係建議大家食返原味啊。

 

 

Kiss The Tiramisu
地址: 屯門屯隆街3號屯門市廣場一期1樓1001A號舖
電話: 星期一至日 11:00-22:00
營業時間: 星期一至日: 11:00-22:00

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *