[台北] 榖珈琲 ‧ 咖啡店充滿日系風格,現點現做、充滿蛋香的人氣厚舒芙蕾鬆餅

行程中一早安排了去有著超紅梳乎厘鬆餅的「榖珈琲」,在媒體上被譽為近來最好食的梳乎厘鬆餅,真的讓人相當期待啊!

(為免要等位記得可先在網上預約啊。)

 

原文網址: http://connie-hk.com/kokucafe

 

當日身體有點不適的小妹直接坐小黃前往,剛好就停在店子門口。有著深褐色木系裝潢的門面,還放了兩張小椅子,充滿日系感覺!

步進店內同樣係走日本風的木系風格,搭配水泥地板和牆壁,還有簡潔的木枱木櫈,令人覺得舒適。


牆上還貼有麵粉袋作裝飾,挺特別的!

還有這個位置的單品手沖咖啡列表,字體仲幾靚添。

仲記得當日去12點多已經坐滿,仲要開放埋下面個層,果真係人氣甜品店。因為餐廳免收加一,記得茶水和紙巾都係自助的。

*用餐時間為2小時
*每人低消一杯飲品
*舒芙蕾現點現做,需等30分鐘以上

打開餐牌果然只主打賣梳乎厘鬆餅,有五款甜的口味,原味、水果、莓果、抹茶和可可。估唔到仲有得配鹹食,好想試但又驚太飽,所以剩係試左兩款甜咋!

飲品除左各款單品手沖咖啡,仲有冰滴咖啡、拿鐵、花茶和氣泡特飲。

因為每份鬆餅都係即點即製,所以都等左幾個字。本身想兩份鬆餅來個合照,但怕影響口感決定放棄,還是先吃吧。

榖燒厚舒芙蕾鬆餅 NT$220

一碟兩片厚得來又軟身的梳乎厘鬆餅,食落非常軟綿綿的,中間又唔會有個種半熟既空氣感,口感比較實在卻不失輕柔。

每啖都有有濃郁蛋香滲出,而鬆餅上白色既唔係普通既忌廉,係用左北海道四葉乳酪醬,配埋一齊食好似食緊cream cheese咁,比普通忌廉來得有誠意,好食啊!

一抹甘甜小山園舒芙蕾鬆餅 NT$260

一場黎到梗係要試埋抹茶味,抹茶鬆餅口感上好似又無原味咁軟屬,食落有幽幽抹茶香滲出,但唔會超濃郁。亮點係上面既小山園抹茶醬,連埋鬆餅一齊食又真係幾好食啊,不過小妹都係偏愛原味多d點。

哥倫比亞咖啡 NT$150

呢壺係男人點的手沖咖啡,自問不懂品嘗咖啡。但此款咖啡入口不會很苦,少少酸,帶點甘甜的味道,還滿易入口的。

小山園抹茶拿鐵 NT$180 (搭配鬆餅減NT$30)

 

榖珈琲 | KoKu café

FACEBOOKIG
地址: 台北市大安區大安路1段175巷6號
電話: +886 2 2709 5799
營業時間: 星期一至日 9:00-20:00 (星期二例休)
※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *