[西環] Lifetastic ‧ 悠閒的下午茶,品嚐夢幻西瓜蛋糕

是日一個下午走入西環連食三場,試左三間小妹既waiting list,很開心又滿足!而第三站就係位於西環石塘咀既Lifeastic,小店出名西瓜蛋糕,今次去都係為左潮聖佢。店子好近大學站,一出地鐵站對面已經見到,太方便了吧!

 

原文網址: http://connie-hk.com/Lifetastic

 

店內環境不大,有對住落地大玻璃,感覺寧舍悠閒放鬆的數個高枱位,亦有數張2-4人枱!裡面有不少簡約的裝飾點綴,最喜歡近吧枱位牆壁上的那幅畫,色彩豐富,插畫可愛,係一大美美的影相位。

餐牌上的選擇甚多,而且本餐牌同樣色彩繽紛,一路揭都覺得好靚!不過今次黎主打食甜品,所以主要都係睇返飲品同甜品個頁!

店子有每人最低消費一杯飲品/甜品,所以我們點了一件西瓜蛋糕和牛油果奶昔。蛋糕櫃內仲有數款其他味道的蛋糕,大約$48-52不等,不過還是西瓜蛋糕的賣相最吸引。

男人話想試下杯Avocado Milkshake $53,飲落去真係不得了!好似成個牛油果放左入口,超濃郁!成口都比牛油果漿住左,連奶味都比牛油果味搶去了!小妹真係接受唔到呢種質感,都係食返牛油果夾麵包好了!不過牛油果控值得去試,好足料呀!

Watermelon Strawberry Cake $78
佢地既西瓜蛋糕同澳洲個款好似樣,應該仲係全香港得佢地賣呢款招牌西瓜蛋糕,所以好多人都會走黎潮聖。接近每枱都會叫返件,甚至有人入黎購買原個西瓜蛋糕,可見人氣仍然高企。用西瓜黎整既蛋糕真係特別又少見,不過索價不菲,散叫一件要$78。西瓜蛋糕外觀顏色很艷紅奪目,賣相確實很美!

蛋糕最底下係杏仁餅底,仲有忌廉同西瓜既搭配,用左西瓜入饌又做得幾好,西瓜唔會有出水既問題令到件蛋糕好濕,咬落仲係爽口清甜。面頭仲有層草莓肉果凍同面頭大量的食用玫瑰乾花,第一啖入口花香味真的超級重,整體味道配搭得意,味道未算話好好食,但味道少見,一試無妨。

 

 

Lifetastic

FACEBOOKIG
地址: 西環石塘咀山道31-37號地下B舖
(港鐵香港大學站 B2 出口, 步行約3分鐘)
電話: 52439851
營業時間: 星期一至五 12:00-22:00 星期六至日 11:00-22:00

※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *