[元朗] 老陳餅店 ‧ 西菁街新開,充滿文青感的戚風蛋糕店

最近在元朗西菁街新開了一間名叫「老陳餅家」的餅店 (好包舊址),光看店名還以為係主打懷舊中式餅店,估佢唔到原來獨沽一味只賣「戚風蛋糕」。另外仲有手沖奶茶咖啡特飲等,裝修仲充滿文青味。一直覺得元朗區賣這類蛋糕的地方不多,短時間已掀起一陣熱潮。

 

原文網址: http://connie-hk.com/lochen

有興趣可Follow我的IG

 

仲記得第一次去碰巧休息,便先拍下那幅可愛又貼題的手繪牆。第二次去終於有開了,店內以木系作主調,簡簡單單的半開放式格局,走進去覺得寬趟舒適,可以讓我拍好拍滿,店員亦非常友善的介紹。

據說他們家的戚風係用了日本低筋麵粉、植物油和蛋味濃郁的湖北蛋,在店內每日新鮮製作。

 

佢地既戚風蛋糕沒有特別的裝飾點綴,就是戚風原先倒模出來的樣子,簡簡單單,走平實路線。

 

戚風主要有五種味道:抹茶、伯爵茶、黑白芝麻、香蕉和朱古力

有分單件或全個購買,好處係可以先小試牛刀,才決定要不要買一整個。

 

伯爵茶/黑白芝麻/香蕉戚風 單件$14 原個$70

 

這天抹茶缺貨無緣試到,不過佢地既戚風拎上手真係好輕柔同軟熟既質感!試左所選的三隻味都唔錯,伯爵茶用上英國品牌 Twinings茶葉,食落有陣陣茶香,味道唔錯,如果茶味可以再重一點更好。香蕉戚風仲見到疑似香蕉纖維在內;

 

黑白芝麻仲會見到粒粒芝麻碎在內,芝麻味愈食愈突出,覺人黎講頗喜歡。三款味道都屬於比較輕盈健康的感覺,又不覺甜膩,大人小朋友都岩食。

 

另外佢地既手沖奶茶都唔錯,茶味突出,有機會買戚風蛋糕時不妨一試。

 

 

老陳餅店 | Lo Chen Bakery
FACEBOOK
地址: 元朗西菁街2號興旺樓地下1D號舖
電話: 68936822
營業時間: 星期一、三至日 12:00 – 20:00 (休二)
※本文以用餐當日的環境、服務和食物質素為準,口味亦因人而異,文章只作參考之用。

 

 

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *