[元朗] 羅東肉焿番 ‧ 真·台灣古早味,必試魯肉飯 | 冬瓜茶喝後還會留有那股清甜餘韻!

最近發現又新街個邊開左間台灣過江龍,有著五十年歷史的老店羅東肉焿番,睇報導得知小店原來係特許經營,原來兩位年輕(情侶)老闆毅然放下工作,再回到宜蘭羅東尋找那道感覺自己的地道肉焿湯。因為他們的堅持,台灣總店也慷慨的傳授了家傳配方,在總店學師了兩個月再回到香港開店,座落於元朗。這個鋪位近來轉左手做串燒,現在上午是羅東肉焿租了,六點後便做回串燒。店子環境不大,以外賣為主,裡頭只得一張檯堂食。

 

原文網址: http://connie-hk.com/luodong-food/

初頭見到兩位年輕人同客人都係講國語,仲以為係台灣人(因為口音好似!)所以第一兩次幫襯時都說了國語(笑)。後來才知道他們確實係土生土長的香港人,不過講得一口流利國語,而且態度親切,難免會有錯覺誤會了他們係台灣人呢!

開業約僅一個月已不斷獲得好評!有時兩點去到食物剛好賣完要再等他們現煮(約到一小時),六點關門前大部分食物都賣完,可見有實力的小店不需大肆宣傳,大部份人在網上以口碑相傳已吸引很多人黎幫襯,由剛開業人流較少到現在開始有人龍,可見網絡的力量很大!小妹都接近一星期食一次了,因為真係好好食,在香港來說可為數一數二 (純粹個人感覺!)。

OLYMPUS DIGITAL CAMERA

(餐牌)

建議叫套餐$45 (包魯肉飯+肉焿湯+冬瓜茶)比較抵食,套餐飯加大加$5。

OLYMPUS DIGITAL CAMERA

魯肉飯 $19(細)$24(大)
小妹自己一個細真係唔夠食,如果純粹想食個飯建議要大碗,魯肉飯仲放左點芫茜(香菜)唔要記得開聲。

魯肉飯用上珍珠米,加埋半肥瘦既魯肉(三層肉),再加左條條豆卜一齊煮,豆卜吸盡晒滷汁,再加埋滷汁一齊撈埋飯好好食呀!珍珠米咬落粒粒飽滿軟糯,咀嚼中仲食到陣陣油脂香,好邪惡呀!

OLYMPUS DIGITAL CAMERA OLYMPUS DIGITAL CAMERA

羅東肉焿湯 $33
每日用上新鮮豬肉,再用蕃薯粉和魚漿醃過,裡頭加左荀絲和芫茜增加口感和味道,肉焿湯的質感較杰身 (有點似我們的碗仔翅質感),肉焿約有五至六塊的豬肉,咬落肉質爽口有嚼勁,加埋帶點辣和甜味的芡汁,滿不錯的。

OLYMPUS DIGITAL CAMERA

冬瓜茶 $10 (跟餐+$5)
同樣每日新鮮沖製的冬瓜茶,味道清甜不過甜,入口嚐到有陣陣冬瓜的香甜,係平時飲台式手搖飲品沒有的!

OLYMPUS DIGITAL CAMERA OLYMPUS DIGITAL CAMERA

鮮豬骨湯 (新產品)$19
標旁不含味精的豬骨湯,飲落清爽不油膩,飲落也有挺重的黑胡椒味,裡頭有三粒丸類,貢丸、墨魚丸和麻吉燒,就是單點價錢有點高,這個價錢食碗肉燥飯較飽肚啊。

看到餐牌上仲有阿番炸肉肉、乾拌麵和台式香腸尚未推出,好期待啊!

 

 

羅東肉焿番 | FACEBOOK 
地址: 元朗又新街38號恆富大廈地下10B及11A號舖
電話: 6482 3476
營業時間: 星期一至日 10:00-18:00

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *