[旺角] 鮮入圍煮 ‧ 設計很有香港味道的火鍋店,必試原隻雞煲花膠湯!

火鍋店在香港真係開到成行成市,尤其以雞煲和主打海鮮的火鍋店最多。不過也有些較特別的就好似位於旺角的「鮮入圍煮」,男人之前話去過食佢地既雞湯底係好正,小妹好鍾意飲雞湯,所以男人就同小妹黎試下。

原文網址: http://connie-hk.com/market-hotpot


餐廳並不是地鋪,算係樓上鋪吧!一打開門就覺得好似去左有瓦遮頭的大排檔和街市,放了數張大排檔檯、仲有街市肉檔、琳琅滿目的海鮮檔,感覺很地道,設計上很有特色,影相一流!

火鍋點菜紙

火焰雞煲蟹粉鍋、豬肚胡椒雞湯、花雕醉雞湯鍋、招牌海鮮入圍煮湯、川芎白芷魚頭湯等都係這店較特別的火鍋湯底。

飲品單,我們要了無糖烏龍茶 $12 和雪梨海底椰 $16,似乎樽裝比較抵飲。

仲有火鍋拍檔之一的自選混醬,多蒜多蔥岩晒我口味!

濃厚原隻雞煲花膠湯 (細)$238 (大)$328
我們呢煲係細的,看到湯內好足料,有大件花膠、原隻雞已斬件放進煲內,小妹仲食到雞?位添,雞肉煲到夠腍,最重要肉質唔鞋口。

店員先叫我地飲左雞湯同食左湯料先,之後有得免費加一次湯,係加返雞湯啊(其後再加係清湯),個湯真係好濃雞味好好飲,飲落又唔覺好油,黎呢度必定要試!

飲下湯食下花膠已經飽左三四成,又揀左幾款火鍋料打邊爐。

手切頂級牛肋骨肉 $188
真係見到店員即場拎件肉出黎係檔口位片肉架,呢盤冰鎮牛肋肉色澤紅潤,有明顯細緻的紋路。

食落肉質幼嫩且爽口,牛味濃郁,還不錯。

芝士獅子狗半打 $28
芝士控必點的芝士獅子狗,咬落裡頭有半溶芝士,打邊爐必備!

蜂巢豆腐 $38
另一樣打邊爐必點的蜂巢豆腐,豆腐一圈圈的,好似海綿般吸收湯底一流,真係好好食,要追加一碟!

西班牙黑毛豬午餐肉 $78
價錢貴平時幾倍的午餐肉,食落當然比平時國產既味道好食得多,起碼肉唔霉,真係食到肉香,口感較實在。

原粒帶子水餃 $48
一客水餃有四隻,每隻都非常飽滿,除了肉外仲食到有爽口的小柱,滿有飽足感。

蟹子墨魚滑 $78
墨魚滑材料很足,每啖都食到彈牙爽口我墨魚肉。

 

 

 

鮮入圍煮
地址: 旺角登打士街43H號登打士廣場2樓
(港鐵油麻地站 A2 出口)
電話: 2782 2003
營業時間: 星期一至日: 17:30-03:00

 

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *