[銅鑼灣] Master Kama ‧ 龍蝦大總匯,一份總匯試晒三款招牌龍蝦菜式!

龍蝦包專門店愈開愈多,小妹暫時剩係食過Master KAMA一間,不過個次係食旺角店,食物款式稍為唔同,而且可能夜晚關係(窗外有霓虹燈),相片影到又藍又紫勁肉酸,今次再去埋銅鑼灣本店試埋上次無食既龍蝦匯。

原文網址: http://connie-hk.com/master-kama-cwb

餐廳為樓上鋪,簡單的佈置配上低調的白色磁磚,環境頗闊落舒適,某些坐位上仲放置了餐廳主題的龍蝦公仔作裝飾。

最前方係出餐位置

餐牌選擇頗多,除左招牌龍蝦菜式外,仲有沙律、小食、串燒,炸魚薯條、意粉/飯、石鍋烏冬,而家連抹茶甜品都有添。
(餐牌在文末)

Candy Cane IceTea $50
(Strawberry Rose Flavour)
成杯飲品真係好有聖誕氣氛 (但我唔係聖誕時食的),飲落真係好似士多啤梨味糖果,味道都較甜。

雙重炸薯條 $68
配上三款口味醬:龍蝦芝士醬、黑松露芝士醬和蜜糖芥末醬

一客雙重薯條係包括左左炸薯條同炸蕃薯條兩種,蕃薯條甜甜地幾重薯味,幾好食,而且份量都幾多架!最鍾意係佢配上三款醬,松露醬固然好味,仲多左坊間少見既龍蝦醬,龍蝦醬加入左芝士仲拉到絲添,香口又好食。

意蝦匯 $428
一份招牌龍蝦組合包含了一份龍蝦包、半隻焗蒜蓉牛油龍蝦和龍蝦什錦海鮮石鍋烏冬

這個組合可以算是一次過試晒這裡的龍蝦招牌菜,將所有食物用了木盤子擺盤,另外仲配有炸薯條、炸蕃薯條、沙律等,連張底紙都好靚啊!望上去滿滿的好豐富好吸引!

龍蝦包用上質感軟熟,小妹愛的枕頭麵包;
麵包烘至金黃色,裡面搽上少許牛油,夾了菠菜和龍蝦肉;龍蝦肉咬落肉質爽口鮮味,食得出係新鮮龍蝦肉拆的,上面仲有一隻食落啖啖肉既蝦鉗。龍蝦包的味道不會很重,屬比較簡單清淡的,更能食到龍蝦的鮮味。店員建議配埋一旁的檸檬牛油汁食更覺清爽!

半隻焗蒜蓉牛油龍蝦,簡單的用上蒜蓉去焗,龍蝦鉗內藏不少爽口的龍蝦肉,如蒜蓉再多少少會更惹味。

最後食既係龍蝦什錦海鮮石鍋烏冬(烏冬可轉飯),個石鍋超級熱架,要小心會燙到手,店員建議食之前攪攪個底味道會平均d。

鍋內有青口、蜆肉、蟹柳,蝦米、木耳絲和粟米等,不過當中的龍蝦頭入面係無肉食的,只當裝飾之用吧?
扁身烏冬是用上稻庭鳥冬吧,入口質感相當滑溜,湯底的龍蝦味頗濃又惹味,不過鹹,但男人就覺得味道不夠,可以再濃味少少。

 

※本文以用餐當日的環境、服務和食物質素為準,口味亦因人而異,文章只作參考之用。
Master Kama
地址: 銅鑼灣謝斐道500號維安商業大廈3樓
(港鐵銅鑼灣站 D4 出口, 步行約2分鐘)
電話: 3421 2129
營業時間:
星期日至四: 12:00-22:00 星期五至六及公眾假期: 12:00-23:00

 

 

 

餐牌部份↓

 

 

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *