[旺角] 心夜來潮 ‧ 潮食潮洲地道小食 | 近期必試的特色小店,首嚐地道的菜茶和小米餃 (已搬遷)

話說係心夜來潮新開張時都同同事黎過一次,個時食物款式比較少,不過味道係可以的,款式又夠特別! 平時所認識的潮州菜大多以打冷為主,而「心夜」就比較集中在地道小食為主,菜式比較少見和特別呢,好似潮汕砂鍋粥、菜茶、小米餃、汕頭手打牛肉丸、手工捻面猴和潮式粉飯等,某數款小食都係以煎炸為主,岩晒愛香口野的小妹!今次與他再黎係因為知道新出左不少新菜式,特別係為左上一次食唔到的小米餃和鍋燒肉而來的。

 

6點多到來,人流還好,因餐廳的環境不大,所以室內只放了數張木桌木椅。但時間再晚一點就不得了,室外放了的坐位基乎係坐無虛席,可見其餐廳的魅力非凡就是,而且感覺坐外面會較為闊落和舒服呢!

以下為六時多剛開店的時候↓

↑而這張係約7時多,已經坐爆了! 人氣還頗厲害的。

 

↑圖為部份菜單

 

坐下後先看看餐牌,餐牌都有圖文並茂,還有字句作解釋,十分貼心,就款式不算多就是。意想不到近來還有供應醬醃海膽、蠔仔和獅蚶,不過最想試的獅蚶當天沒有供貨,所以便叫了前兩者;而且小食方面價錢都係數十元起跳,點了一桌都係也不會心痛呢!
一坐下就先叫左飲品,餐廳無水吧,所以只提供支裝和罐裝飲品,正常價錢。

醬醃海膽 $28和醬醃蠔仔 $28
鹹香味十足的醬醃海膽,食落鮮甜甘香,配白飯一流;小妹就無試到後者的蠔仔,蠔仔的份量都唔算細,據他說入口鮮甜無沙,肉質肥美,比想像的好味!
鍋燒肉 $46
肉排炸得好香,咬落去外皮脆卜卜,味道帶微甜,肉質又唔會炸到好乾,某幾件還帶有少許脂肪位,咀嚼中還帶有點脂肪香,邪惡又好食!
燒手打牛肉餅 $32
即點即燒,牛肉餅燒的火喉適中,咬落脆口帶濃郁牛味,面頭再加上少許孜然粉,更添滋味。
正宗汕頭手打肉丸 $30
可選擇配湯或香煎,鍾意食香口野既我地當然揀左香煎。手打肉丸食落彈牙,味道沒特別驚艷,就是一道香口小食。
巨型脆香手打魚蛋 $32
一講巨型魚蛋就立即聯想起長洲個隻大魚蛋,而呢度既手打魚蛋係用炸的,炸完再切成一片片上檯。炸至金黃色的魚蛋咬落外脆內軟,咀嚼時亦很彈牙,香口非常,而且唔會好油膩。
小米餃 $20
小米餃係汕尾市海豐縣的代表小吃之一,仲記得第一次黎食時咁岩無貨,今次終於有機會食。米餃的外皮包著新鮮的豬肉餡、大地魚乾粉和特製醬汁成製,每個都做成小小的一顆,食落方便,可以一口一顆。
外皮咬落煙煙軔軔,內餡的調味亦十分足夠,特別又好食。
菜茶 (小) $32
以數種不同的蔬菜(小妹食到有荷蘭豆、菠菜和椰菜等)、加上乾魷魚、蝦米、豬肉和臘腸等配料用胡椒粒一同熬製,再以骨湯沖泡,再鋪上一層炒米和花生所做成的一種地道小食。
對於平日小食蔬菜的小妹,意想不到這菜茶味道夠清之餘卻又不失惹味,食完一啖會想繼續食,面層的脆米也增添了口感。
心夜來潮
旺角西洋菜南街138號福苑2樓
(港鐵旺角站 B2 出口, 步行約1分鐘)
營業時間: 星期一至日: 18:00-06:00
電話: 3620 3980
================================
(喜歡的,請按讚支持,是給我很大的鼓勵啊 
   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *