[旺角] 青花 ‧ 周末二訪,來個悠閒泰式午餐 | 顏色超美蝶豆花奶蓋、冬蔭炸雞翼香脆好食!

今次再訪「青花」完全比佢地既特飲同龍蝦主食吸引住,之前亦黎過覺得食物還不錯,懷住期待的心情再訪。

 

延伸文章:

[旺角] 青花 ‧ 青花綠州,品嚐東南亞新派菜,甜品爆谷焦糖花生葩菲有驚喜!

 

原文網址: http://connie-hk.com/mk-champak-restaurant

 

很喜歡餐廳內藍色牆壁搭配大量乾燥花和綠色植物的裝飾,整個氛圍都很切合周末假期的心情,玻璃窗外又有自然光透出,感覺很放鬆!

看看餐牌,菜式和上次來有點不一樣。

蝶豆花椰除奶蓋 $42 及 冬蔭公梳打 $38
杯蝶豆花奶蓋個樣真係好靚好似藍天白雲咁,估唔到連飲品都可以整到咁靚咁夢幻!面頭個層奶蓋打得唔算好挺身,就咁飲都略略飲到有芝士既味道,不過好快就同底下既椰汁融為一體,飲落椰子味好重,而且甜度稍高,但整體都尚算可以。

鮮艷的冬蔭公梳打面頭放左小辣椒做點綴,頗有心思的;梳打飲落有清涼解渴既感覺,其後有股微微辣勁隨後湧上,就好似飲少辣既冬蔭公,很過癮,唔算好辣,可以挑戰一下。

冬蔭炸雞翼 $72
不得不讚呢碟炸雞翼,放左一陣先食外皮仲係非常脆卜卜,帶陣陣冬蔭的味道,好可口惹味;中心肉質仲保持熱辣辣,肉質嫩滑多汁,好耐無食過覺得好好食既雞翼!

原隻咖哩芝士焗龍蝦配炸薯圈 $188
已開半既咖哩芝士焗龍蝦,另外仲有兩隻食落啖啖肉既蝦鉗,仲細心提供拆殼鉗同濕紙巾備用。

龍蝦上的咖哩芝士味道不重,有點可惜係龍蝦肉食落較乾身,肉質偏韌頗難咬開,側邊仲帶點橙色蝦膏,味道尚可,反而蝦鉗較好食。

不得不提炸薯圈炸至乾身不油膩,食落好酥脆,好好食!

芒果糯米飯 $78
飯後一點甜,糯米飯加左蝶豆花入饌,便呈現了藍色的狀態;芒果肉食落味道香甜不酸,也很喜歡搭配的椰子脆片,好香椰子味;富煙韌口感的糯米飯和椰漿更是最佳配搭,是一個無可挑剔的甜品,好食!

 

青花 | Champak Restaurant
FACEBOOKIG
地址: 旺角奶路臣街17號The Forest 1樓107-108號舖 (港鐵旺角站 E2 出口, 步行約2分鐘)
電話: 34682558
營業時間: 星期一至日 12:00 – 22:30
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *