[尖沙咀] 原の味 ‧ 三年後再遇,西日精緻Fushion菜 (箱押壽司、橙薑汁蒜片烤牛排、十四代本丸+卜口三點)

Naked原の味,這餐廳名稱似曾相識,終於記得係三年前曾試過位於中環的「Naked Gurume Gyarari」,同樣係食西日fushion菜,菜式的精緻程度,記憶猶新,相信係同一老闆開設。

 

[中環] Naked Gurume Gyarari ‧ 創新的西日混合菜 | 超美味清酒煮蜆、沖激著味蕾的海膽

原文網址: http://connie-hk.com/naked

 

從中環遷移到人流較多的尖沙咀,餐廳環境闊落舒適,燈光昏暗有情調。一步進門左手邊係吧枱位,客人可一面把酒暢談,一邊細嚐西日配搭的精緻菜式;坐位與坐位間不覺迫狹,不說不知原來店內仲有一間可容納十多人的Private Room,似Omakase般格局圍著師傅坐。不過小妹無行到咁入,無影到相真可惜!

餐廳主打西日新派菜,很多都用上名貴食材入饌,還保留了某些舊有菜式,剩係睇到菜式名都已經很吸引。

餐牌上有分湯、沙律、蠔菜式、頭盤小食、壽司/刺身、丼飯、意粉、甜品和廚師推介等;另外仲有A/B/C 二人套餐揀,$588/$818/$1068,價錢由平到貴,唔想諗既話可以揀佢。
(餐牌在文末)

蟹子&明太子沙律 $78
淋上惹味胡麻醬的沙律菜食落新鮮,裡面拌勻了蟹子和明太子,切成粒粒方形的明太子咬落有卜卜的口感和鹹鮮味,頗好食。

十四代本丸+卜口三點 $288
店家近來的推廣組合,包括三件大拖羅壽司和一杯十四代丸木的清酒

這三件大拖羅分別以刺身、醬油燒拖羅和拖羅蓉呈現,每件都有恰到好處的魚香和油脂香;配上很純很易入口的十四代本丸,飲落帶有陣陣清幽果香,沒有很重的酒精成份,岩晒小妹不擅酒精之人享用。

原之味灸燒芒果三文魚箱押壽司 $128
一碟六件,賣相不錯的箱押壽司,面層鋪上芒果醬再灸燒過。

細看壽司飯,裡面仲加了木魚絲在內,感覺新奇。壽司有入口即溶的口感,帶陣陣清幽酸甜的芒果香,反而三文魚味不算明顯,而且整件夾起時壽司反較易散,不過味道是不錯的。

橙薑汁蒜片烤牛排 $188
牛排加上蒜片、本菇仲有橙薑汁一齊炒香,牛排無炒至全熟,仲見到中間帶嫩紅色肉質,食落有嚼勁又有肉汁,有些仲帶有脂肪位,愈嚼愈香,帶有陣陣橙的清香及不算強烈的薑味,怕薑味的小妹都招架得住,仲跟左幾塊脆卜卜的紫薯片,好惹味。

本菇藜麥黑松露溫泉蛋意粉 $128
意粉煮得有a dente口感,咀嚼中富彈性,將溫泉蛋拌勻後食質感更加滑溜。面頭的黑松露味不霸道,沒有搶去菇的味道,食落仲有超級食物藜麥豐富口感。

意大利特濃咖啡配抹茶雪糕 $128
抹茶熱潮一直無減退跡象,所以餐廳都有供應抹茶甜品。用漏斗器皿裝住紅豆蓉、大利奶凍同抹茶雪糕,仲有一小枝特濃咖啡可按個人喜好添加,一次過食到幾種味道,夠晒豐富!下層仲有脆米可以加上上層一齊食,增加口感。

 

原の味 | Naked

FACEBOOKIG
地址: 尖沙咀麼地道61號冠華中心地下G1號舖
(港鐵尖沙咀/尖東站 P1 出口, 步行約2分鐘)
電話: 23637299
營業時間: 星期一至六 11:30-14:30、18:30-23:30
星期日 全日休息
※本文以用餐當日的環境、服務和食物質素為準,口味亦因人而異,文章只作參考之用。

 

 

餐牌部份↓

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *