[旺角] NeNe Chicken ‧ 韓國千間分店的超人氣炸雞店進駐旺角朗豪坊

在韓國有千幾間分店,以MC劉在錫做代言人的炸雞店,12/8日正式係旺角朗豪坊開張啦!仲記得友人大讀呢間炸雞好好食,係韓國宵夜必叫的,所以都充滿了期待。

 

餐廳在朗豪坊的十一樓,門口旁有大大幅劉在錫的廣告板,行過都會望一望呢。
(暫未有訂位服務,客人都需walk-in,經過時候見到排隊人數真的嚇了一下,多人到爆!)

裡頭以黃+白色做主調,空間寬敞,坐位間不會太迫狹。

餐廳保留了韓國原有餐牌,圖文並茂的十分清晰和吸引。(部份餐牌)

提供一系列不同口味的炸雞:NeNe招牌炸雞、初雪炸雞、韓式甜辣炸雞、綠豆芽炸雞、大蔥炸雞、蒜香醬油炸雞等。前四款仲可揀要有骨或無骨,據說炸雞用了純正菜油高溫油炸,以及獨門秘製的炸漿配方,再以韓國直送不含膽固醇的菜油高溫炸煮雞肉,確保鎖住肉汁和雞肉嫩滑。

除了炸雞外,也有供應各款主食,麵食、年糕,仲有「香港限定」的芝士潘朵拉炸雞,這小妹就決定留待下次再試,今次就先試試較大路的甜辣炸雞吧。

先來兩個餐前小食,醃清甜的白蘿蔔同辣魷魚,相當開胃。

Shark Attack-Toy $78
呢款鯊魚飲品真係係好多韓國炸雞店都見到其蹤影,呢款飲品同樣可揀有/無酒精,不過呢度既鯊魚唔止係裝飾,鯊魚入面仲放左d味道好似糖果的紅色糖漿,比客人自行加落去 (可自行調較甜度),影相即刻生動好多!味道就酸酸甜甜,食住炸雞飲頗解渴。

NENE Soda $68
燈泡器皿造型的飲品已屢見不鮮,不過用黎相機食先又係幾過癮!這粉紅色的係柚子味梳打,味道不太苦澀較易入口,甜度不太高滿好喝的!

韓式甜辣炸雞(無骨)$168
韓式甜辣醬一向係小妹至愛,仲揀左無骨雞件,因為唔會食到好狼狽同成手油(有時有完手套都好油!)。炸雞即叫即炸,所以都要等上一會。

炸雞上放了些杏仁片增加口感,雞件唔會太大件方便享用。炸雞外皮咬落鬆脆,外皮亦比平時的厚和脆,但就有皮多肉小的感覺;而且炸雞唔夠熱,只得微熱,雞肉肉質唔夠嫩滑,整體普通。

芝士炒年糕 併韓式豬血腸+炸紫菜粉絲卷 $158
怕一個炸雞唔夠食,另外加多款主食,一款有晒有芝士炒年糕、韓式魚串x2、韓式豬血腸、炸紫菜粉絲卷和薯條

左邊係炒年糕和魚串,韓式醬汁辣度頗高,不過配上煙煙韌韌既年糕同富咬口的魚串係相當惹味!

炸物都炸得乾身不油,紫菜卷的外皮咬落好鬆脆,但就薯條比較好食和香口!他超愛食韓式豬血腸,腸的外皮煙煙韌韌,但味道就不是小妹杯茶。

可能仲係新開業,水準仍未保持穩定,希望餐廳可以努力改善。

 
NeNe Chicken | Facebook
地址: 旺角亞皆老街8號朗豪坊11樓30號舖
電話: 3583 2933
營業時間: 週一至週日: 12:00-23:30

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *