[尖沙咀] NORAYO K.Cafe ‧ “Spoon Pizza” 用匙羹食薄餅你又試過未?!

NORAYO K.Cafe
地址: 尖沙咀加連威老道29號信基商業中心2樓
(港鐵尖沙咀站 B1 出口, 步行約4分鐘)
電話: 9695 1591
營業時間:星期一至日: 11:00-00:00 | 截單時間: 23:00

店家 FACEBOOK

近來發覺原來小妹都幾鍾意食韓國菜,特別係炸雞個類,真係可以食極唔厭!不過韓國菜都有搞搞新意思既時候,就好似今日去既韓國cafe,推出左”Spoon Pizza”系列的菜式,咁岩另一半一向都鍾意食Pizza,所以又去左潮聖喇!

(喜歡的,請按讚支持,是給我很大的鼓勵啊  


餐廳環境裝潢得幾特別,磚牆的設計和一些牆上的塗鴉,感覺走年輕輕鬆路線。最前方係半開式廚房,中間放置左一張在韓國餐廳較少見的多人的圓檯位,左邊有自成一角的靠牆位,右邊就分別係二至四人檯,但檯與檯之間甚為迫狹,兩檯人一齊傾偈會感到有點嘈吵。

部份餐牌

餐廳供應泡菜和醃蘿蔔都係可再添加的! 醃蘿蔔食落清甜好醒胃!

鮮橙西柚汁 $55
大熱天時最愛飲味道酸甜清新的飲品,就好似西柚+橙係一個無得輸的組合,上面仲有西柚肉食添!

鯊魚攻擊麗塔 $88
只要叫餐廳新推出的食物 (Spoon Pizza、韓式炸豬扒王等)就會送一杯鯊魚特飲。(建議詳情問返店方)杯藍色特飲望落好透心涼,仲放左條鯊魚作裝飾,賣相夠靚,又裝得好滿,飲落係酸酸咪咪的青檸味,好消暑解渴!

蜜糖炸雞 $158
每次與他食韓菜都一定會遷就小妹點我愛吃的炸雞,今次都一樣,要了蜜糖味炸雞!想不同餐廳竟然用了一首木船來當器皿,最前方更放上海賊王中的角色,感覺新奇有趣!

而且呢份炸雞份量豐富,除左有八件炸雞,仲有炸薯格同炸雞蛋,感覺無咁悶!而且炸雞肉質嫩滑多汁,細問下原來大多用上雞脾肉,難怪每件炸雞都保持到嫩滑肉質,就係蜜糖味不夠重,建議可以濃味返少少;炸薯格係意想不到的炸得好乾爽脆口不油膩,就算凍左都好食!

奶油煙肉 $228
餐廳新推出的Spoon Pizza系列,讓客人可以用匙羹就食到美味的Pizza,概念特別!

材料有:奶油、煙肉、蘑菇、薯仔、洋蔥、麵包、蕃薯、Mozzarella Cheese

面頭鋪了滿滿的芝士,這個材料的配搭當然會好食,特別之處在於加加左甜甜的蕃薯和麵包,每食一啖麵包都嚐到蕃薯甜的味道,有像在食麵包布甸的感覺,鹹甜融合的味道好滋味。不過這Pizza滿有飽足感,建議可2-3人享用,還有就係價錢稍高,降低至百多元較為合理。

菠蘿牛奶雪花冰 $120
大熱天時至岩食個涼浸浸既雪花冰,上面配左球芒果味雪糕。用左半個菠蘿挖出不少球的菠蘿肉,份量多,果肉也頗清甜的。底下的雪花冰刨得頗細,入口即溶,就係沒什麼味道,所以餐廳附上練奶讓客人添加!加了後味道變得香甜起來!

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *