[灣仔] PdP Pies & Tarts ‧ 新開日系風鮮果撻專門店

小妹生日個日預左全日不停食,所以排左一系列既eating list,其中一間就係呢間新開既鮮果撻店,帶點日系風情的門面,仲要置身於利東街內,可以幻想一下身處在日本嗎!?(笑)

 

原文網址: http://connie-hk.com/pdp-pies-tarts

 

「PdP Pies & Tarts」原來係梳乎厘班戟專門店「PAN de PAIN」既姊妹店。店子分為兩層,下層主要做外賣,上層先係堂食。

下層左右兩旁都放置左蛋糕櫃,可以見到完整一個果撻的樣子,面頭鋪滿鮮果既果撻真係好吸引!接近兩點,見到不少OL都買返數件外帶走,可能返公司慢慢嘆吧!

上層用左女孩子們至愛既Tiffany Blue藍色系裝潢,好適合影相打卡,望上去都幾舒服。裡面大約有三十個座位,可能是平日關係人流唔多亦較寧靜,坐得幾舒服。

店家都有提供小藍子讓客人放袋,頗貼心呢!

餐牌上只售賣一款產品「果撻」,大約有9款口味,草莓撻、雜莓撻、香蕉撻、青提子撻、雜果撻、栗子撻、芒果撻、橙柚子撻、Tiramisu撻,仲有供應咖啡同紅茶等。大部分果撻由$58-$62不等,無套餐,飲品都要單點,堂食仲要加一,姐係一件撻要成$63-70蚊,價錢稍貴。

焙茶拿鐵 $45
飲落焙茶味較薄弱,勝在有可愛貓貓拉花搭救!

叫左季節限定同店長推薦既青提子撻 $58同Tiramisu撻 $62。青提子夠清甜,撻底鬆化唔易散,富牛油香,忌廉打得幾幼滑唔覺膩。

Tiramisu撻 $62
咖啡味頗重,但唔覺有酒味,味道唔錯但無特別,而且呢個價錢認真性價比低。

兩款食落唔難食,但唔覺特別好食,就正常味吧,一試無妨。同埋建議可以用返細隻d既碟,無任何裝飾下件果撻顯得好單調啊?

 

 

PdP Pies & Tarts

FACEBOOKIG
地址: 灣仔皇后大道東200號利東街地下G06及 F06A號舖
(港鐵灣仔站 B2 出口, 步行約4分鐘)
電話: 36122654
※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *