[灣仔] Perfect Match Cafe ‧ 一星期幫襯兩次,一試難忘的CARAMEL CRUNCH!!

最近灣仔新開左間蛋糕店,他們出品既CARAMEL CRUNCH在IG上曝光率很高!二話不說去灣仔食晚餐前,去食件蛋糕先,實行不能空肚食晚餐!

 

原文網址: http://connie-hk.com/perfect-match-cafe

 

位置不算難搵,灣仔A3出口大約行5分鐘就到。店子環境不大,只有八個座位。由於怕去到會無晒想食既蛋糕,所以一早便在FB page留蛋糕和留位,撇除中午時間,店子盡量都願意幫客人留位的,相當貼心!
*大前提係記住留左位/蛋糕,請勿放飛機!

雖然小店環境不大,蛋糕款式可不少,除了招牌焦糖脆脆、紫薯蛋糕、綠色卷、草莓奶油夾心、日式芝士、檸檬蛋白撻、草莓撻、玫瑰黑加侖子、熱情果芒果等等(只是部分)。仲有即點即製的心太軟、蘋果金寶、火焰雪山同焦糖布丁

飲品有花茶和各種咖啡拿鐵,午市同晚餐都有三文治、意粉同沙律食,可謂麻雀雖小,五臟俱全。

小妹總共去左兩次,第一次去叫左兩件蛋糕同綠茶Latte,都係$88咋!一路以為計錯數,原來係一件蛋糕可用約半價加配飲品,超佛心價呢!

CARAMEL CRUNCH (焦糖脆脆)$35
純白色的天使蛋糕,灑上金黃色的焦糖脆脆後,簡約得來很美!驟眼望落外圍的鮮忌廉,已覺打得很幼滑。

幼滑的鮮忌廉同鬆軟既海綿蛋糕,加埋面頭香甜又脆既焦糖脆脆,貌似簡單既組合,夾埋一齊確實好食無誤。每食啖都充滿著幸福滋味,令小妹八日內去左兩次!

Purple Lover (紫薯控)$38
除左招牌焦糖脆脆外,老闆話呢款紫薯蛋糕都係好多人叫,通常一叫就係叫呢兩款(個個都係睇左IG)包括小妹。外層軟滑濃郁既紫薯蓉,配上中間的海綿蛋糕和幼滑輕盈既紫薯慕絲,成個都係天然既紫薯味,重點係食晒成個都唔覺膩,男人表示很喜歡!

Matcha Latte 跟蛋糕+$15
估唔到連飲品都有拉花,隻杯又靚,$15真係好抵!飲落味道係偏向甘澀既抹茶味,味道不錯,但質感可再細滑少少,不過這價錢已經收貨了!

 

完美咖啡室 | Perfect Match Cafe

FACEBOOKIG
地址: 灣仔灣仔道181號長春大廈B舖
電話: 35967907
營業時間: 星期一至日 11:00-21:00
※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *