[尖沙咀] 寬巷子 ‧ 可以食仲可以欣賞的台灣寬巷子火鍋

前兩年在台北旅行時與已經非常出名的「寬巷子」緣慳一面 (臨時有時去不了),想不到事隔兩年,寬巷子已經在香港插旗,選址在尖沙咀的地標海港城內。他們精緻的火鍋配料和玫瑰花型的松版豬,相信不少愛吃之人一定都有見過吧。

 

原文網址: http://connie-hk.com/quan-alley-hk

 

寬巷子的裝潢光是門面已很有古色古香的感覺,餐廳內更甚,放滿不少有特色的擺設;

最入的位置更能飽覽維港景色,估唔到食火鍋都可以望到香港夜景,確實很不錯。

「創意之寬 沒有邊界 料理之本 從巷子通往世界」
這就是寬巷子名稱的由來,難怪配料都充滿著藝術的感覺,除了吃也是可以欣賞的。

餐牌部份,由於頁數太多,放在文章底部。

洋蔥醬 $12/位
餐廳無好似港式火鍋咁有得混醬,但就有供應已調好的洋蔥醬,食落都惹味,不過佢地既湯底本身已經夠味,唔蘸醬也是可以的。

烏梅汁 $88
幾鍾意佢地既烏梅汁,酸酸地唔過甜,仲能夠清熱氣,打邊爐飲就岩晒。

鴛鴦鍋 $328
揀左出名既紅泥小染(麻辣湯底)同養生白鳳,雖說食得台式火鍋梗係要食麻辣湯底啦,但小妹反而非常鍾意佢地既養生白鳳湯底。湯底以花膠、烏雞、桃膠及鮮人蔘所熱煮,飲落味道好清,又嚐到雞湯的鮮甜味,小妹覺得好好飲,忍唔住一碗接一碗;入面仲有唔少桃膠同原隻烏雞,好足料,用黎淥菜、餃子都好搭!

紅泥小染,以花椒、辛香料、豆瓣、辣椒和牛油調味,湯底味道很香很惹味,但就唔會很麻;裡頭仲有鴨血和凍豆腐,小妹忍住辣不停吃,吸湯的凍豆腐實在太惹味了,但沒有無限添加,有點失望。對於湯底辣度,男人就覺得唔太辣,對於小妹還滿辣的,所以主要都係食白鳳湯底。

玫瑰松版 $238
寬巷子的招牌玫瑰,用上松版位置堆疊而成的花形,賣相確實美美的,一旁的是蛋白,食法固然是有點特別。

店員先試範一次如何不破壞花形又能完整的放落鍋,原來秘訣就在蛋白;只要把蛋白均勻地搽在玫瑰上,再將整朵玫瑰慢慢的放在火鍋內,再一片片拆下來確實熟透才吃,還真的是要有點技巧呢。松版豬的質感咬落爽口,吸收了麻辣湯底,不錯吃。

鳳梨酥 (彩虹款)$88
用左手工豆腐、豬肉、鮮蝦、花枝滑所製,咬落爽彈,中間仲有酸酸甜甜既鳳梨漿爆出,過癮得來不覺突兀,頗開胃。

菠菠糖 $88
這個菠菠糖個名好得意,賣相都好精緻。其實係用手工豆皮、白芝麻和菠菜所配搭而成的創意菜式;質感咬落帶點爽口,再傳來陣陣芝麻醬的味道,還有白芝麻豐富了口感,特別又好食。

墨條牛軋 $88
造成台灣特產牛軋糖的賣相,黑色其實係墨魚汁,再加埋雞軟骨同花枝塊製成,食落墨魚味很重,咀嚼中仲會食到軟骨的口感,配辣湯底會較為惹味;但對於不愛食軟骨的小妹,會更希望只係單純用上墨魚和花枝呢。

白菜豬肉餃 $78
每隻豬肉餃都像金元寶金元寶般很飽滿,裡頭填滿白菜豬肉餡,食落料很足,材料新鮮。

花團錦簇 $238
呢個拼砌到成個花圃既菜藍,賣相真係不得了!入面有多款蔬菜,唐生菜、娃娃菜、高麗菜、小唐菜、紫椰菜、日本粟米 、甜椒、冬菇和雜菌等,成個花圃色彩繽紛,份量好多,兩個人要食晒有難道。

另外,店員會盡量幫客人將所有菜落鍋好似插花咁,非常悅目,見到佢砌得非常用心,頓時變成一個欣賞的項目;所有蔬菜食落都覺得非常新鮮,特別愛食娃娃菜,搭配養生白鳳湯底,味道特別鮮。

 

 

寬巷子 | Quan Alley HK
FACEBOOK
地址: 尖沙咀廣東道3-27號海港城海運大廈地下OT G57號舖
電話: 31882840
營業時間:
星期一至日 12:00 – 15:00、17:30 – 22:15
※本文以用餐當日的環境、服務和食物質素為準,口味亦因人而異,文章只作參考之用。

 

 

餐牌部份

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *